खनालद्धारा कार्यकर्तालाई २६ गतेको सभा ऐतिहासिक बनाउन निर्देशन

काठमाडौ, २४ जेठ । सरकारविरुद्ध पर्सि राजधानीमा हुने जनप्रदर्शनमा सक्रिय सहभागी हुन आफ्ना कार्यकर्ताहरूलाई एमाले अध्यक्ष झलनाथ खनालले निर्देशन दिएका छन् ।  विभिन्न जनवर्गीय सङ्गठनमा रहेका कार्यकर्ताहरूको आज पार्टी केन्द्रीय कार्यालय बल्खुमा भएको छलफलमा अध्यक्ष खनालले राजनीतिक सङ्कट वर्तमान सरकारकै कारणले देखा परेका दाबी गर्दै असंवैधानिक कदमको भण्डाफोर गर्ने उद्देश्यले प्रदर्शन र आन्दोलन हुन लागेको बताए । एकीकृत माओवादी जबर्जस्ती सरकार लम्ब्याउने खेलमा लागेको आरोप लगाउँदै खनालले सडकबाटै तह लाउनुपर्ने अवस्था आएको पनि बताए ।