शान्ति संविधान र लोकतन्त्रको बाटोमा नै नेपाल अगाडि बढ्ने प्रधानमन्त्रीको प्रतिबद्धता

२२ जेष्ठ २०६९, सोमबार १८:०७ मा प्रकाशित

काठमाडौ, २२ जेठ । प्रधानमन्त्री डा.बाबुराम भट्टराई र नेपालका लागि अमेरिकी राजदुत एस्कट एच डेलिसीबीच आज प्रधानमन्त्री कार्यालय सिंहदरबारमा भेटवार्ता भएको छ । भेटका क्रममा राजदुत डेलिसिले वर्तमान समसामयिक राजनीतिक अवस्थाको बारेमा चासो व्यक्त गर्नुभएको थियो । भेटमा प्रधानमन्त्री डा. भट्टराईले संविधान निर्माण प्रक्रिया टुट्नु दुःखद र दुर्भाग्यपूर्ण रहेको बताउनुभयो । उहाँले पहिचानसहितको सङ्घीय राज्य स्थापनको विषयमा नै दुई थरी दृष्टिकोणको अन्तरका कारणले नै संविधान बन्न नसकेको बताउनुभयो । संविधानसभाको म्याद थप्न नसकेपछि विघटन भएको बाध्यात्मक अवस्थामा निर्वाचनमा जानुपरेको पनि प्रधानमन्त्रीले बताउनुभयो । निर्वाचनमा जानु नै लोकतन्त्रको उत्तम विकल्प भएको धारणा प्रधानमन्त्रीले व्यक्त गर्नुभयो । दलहरुबीचको तिक्तताको अन्य गरेर सहमतिकै साथ अगाडि बढ्ने पनि प्रधानमन्त्रीले बताउनुभयो । शान्ति संविधान र लोकतन्त्रको बाटोमा नै नेपाल अगाडि बढ्ने उहाँले स्पष्ट पार्नुभयो । आर्थिक विकासका कामहरूलाई तिब्रता दिने बताउ¬ँदै वैदेशिक लगानी सुरक्षित हुनेमा ढुक्क रहन प्रधानमन्त्रीले आग्रह गर्नुभयो । भेटमा राजदुत डेलिसीले शान्ति, विकास र लोकतन्त्रको पक्षमा सँधै ¬¬¬¬अमेरिकी सरकारले सहयोग गरिरहने बताउनुभयो ।

प्रतिक्रिया
सम्बन्धित खवर

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा

काठमाडौँ । सरकार केही दिनमै नागरिकतासम्बन्धी विधेयक संसद्मा पेस गर्ने तयारीमा रहेका बेला प्रमुख प्रतिपक्षी एमालेले त्यसलाई अस्वीकार गर्ने जनाएको

काठमाडौँ । नेपाली कांग्रेसका नेता शेखर कोइराला पक्षको बैठक आज (शुक्रबार) पनि बस्ने भएको छ । बिहीबार राजधानीको बत्तीसपुतली फुडल्याण्डमा