छुवाछूतसम्बन्धी कानूनको कार्यान्वयनमा प्रधानमन्त्रीको जोड

२१ जेष्ठ २०६९, आईतवार १८:२८ मा प्रकाशित

काठमाडौ, २१ जेठ । प्रधानमन्त्री डा बाबुराम भट्टराईले दलित समुदायप्रति भेदभाव गर्नेहरुलाई कानुन अनुसार कारवाही गर्ने बताउनुभएको छ । छुवाछूतमुक्त राष्ट्र घोषणाको छैटौं वर्ष पुगेको अवसरमा आज राजधानीमा गरिएको कार्यक्रममा उहाँले जातीय भेदभाव तथा कसुर ऐन २०६८ लाई व्यावहारिक रुपमा कार्यान्वयन गरिए धेरै समस्या समाधान हुने बताउनुभयो । उहाँले ऐन तथा कानुनको निर्माणका साथै व्यावहारिक कार्यान्यवन पनि त्यत्तिकै महत्वपूर्ण भएको बताउनुभयो । प्रधानमन्त्री कार्यालयमा दलितहरुको समस्या हेर्न उच्चस्तरीय संयन्त्र गठन गरिएको र त्यसलाई सहयोग गर्न सल्लाहकार समितिसमेत गठन गरिएको जानकारी गराउँदै प्रधानमन्त्रीले दलित समुदाय आर्थिक रुपमा सबल नहुँदासम्म विभेदको अन्त्य नहुने बताउनुभयो । कार्यक्रममा नेपाल सरकारका मुख्य सचिव माधव घिमिरेले वर्तमान सरकारले दलितहरुलाई अधिकार सम्पन्न गराउन महत्वपूर्ण योगदान गरेको बताउनुभयो । राष्ट्रिय मानवअधिकार आयोगका अध्यक्ष केदारनाथ उपाध्यायले मानवीय कुरितीको रुपमा रहेको भेदभावलाई अन्त्य गर्न राजनीतिक दलहरुले नै प्रमुख भूमिका खेल्नुपर्ने बताउनुभयो । राष्ट्रिय महिला आयोगकी अध्यक्ष शेख चाँदताराले सकारात्मक विभेदको शुरुवात गरेर दलित समुदायलाई अधिकार सम्पन्न बनाउनुपर्नेमा जोड दिनुभएको थियो ।

प्रतिक्रिया
सम्बन्धित खवर

काठमाडौं । पछिल्लो २४ घण्टामा नेपालमा थप २,५६८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं- सरकारले दार्चुलाका जयसिंह धामी तुइनबाट महाकाली तर्ने क्रममा भारतीय सीमा सुरक्षाबलका जवानले तुइन काटेको भनिएको घटनाबारे छानबिन गर्न पाँच

नेकपा (एमाले) को आज बसेको स्थायी कमिटी बैठकले आगामी भदौ २७ र २८ गते काठमाडौँमा पार्टीको विधान महाधिवेशन आयोजना गर्ने

काठमाडौँ । पछिल्ला केही वर्षयता मनसुनजन्यसहित विपद्का घटना बढ्दो छ । एक दशकको तथ्याङ्क हेर्दा विसं २०७२ सम्म विपद्का दुई