न्याधीशको हत्या अनिष्टको सङ्केत ः गृहसचिव

१९ जेष्ठ २०६९, शुक्रबार २२:०२ मा प्रकाशित

 

सर्वोच्च अदालतका न्यायधीश रणबहादुर बमको हत्या समाजमा भय र आतङ्क फैलाउनका लागि गरिएको हुनसक्ने गृहसचिव सुशीलशमसेर राणाले बताउनुभएको छ । विगत केही महिनायता सर्वोच्च अदालतमा कुनै मुद्दा नहेरेका बमको हत्या हुनुका निश्चित कारण अनुमान गर्न नसकिए पनि घटनाको प्रकृति हेर्दा कुनै तत्वबाट साङ्केतिक रुपमा हत्या गराइएको सम्भावनातर्फ नै आफूहरुको ध्यान खिचिएको उहाँले बताउनु भयो । यसबाट निकट भविष्यमै मुलुकमा अन्य ठुल्ठुला घटनाको सुत्रपात हुनसक्ने विगतका अनुभवले दर्शाएको उहांको सङ्केत थियो ।

अपराधी पक्रिनका लागि उच्चस्तरीय टोली गठन गर्नुका साथै अन्य कोणबाट पनि अनुसन्धान भइरहेको जानकारी दिँदै गृहसचिवले भन्नुभयो– समयसीमा निर्धारण गर्न कठिन भए पनि अपराधी चांडै पक्राउ पर्नेमा म विश्वस्त छु । घटनास्थल र हत्याको प्रकृतिले नै हामीलाई चांडै हत्याराको नजिक पुग्न सघाउने छ ।

जेठ १४ का कारण सुरक्षा व्यवस्था हाई अलर्टमै रहेपनि यस्तो प्रकारको घटना घट्ने अनुमान सुरक्षा निकायले नगरेको स्वीकार गर्दै सचिव राणाले सुरक्षा निकायले दण्डहीनतालाई पश्रय दिने किसिमले काम गरेकोले अपराध मौलाएको भन्ने आरोपको खण्डन गर्नुभयो । तर, कतिपय अवस्थामा राजनीतिक नेतृत्वबाट अपराधी छुटाउन प्रत्यक्ष वा परोक्ष रुपमा दबाव आउने र त्यसले सुरक्षा निकायलाई अप्ठेरोमा पार्ने गरेको उहांको स्वीकारोक्ति थियो ।

प्रतिक्रिया
सम्बन्धित खवर

लुम्बिनीका प्रदेश प्रमुख अमिक शेरचनले प्रदेशसभा बैठक आह्वान गर्नुभएको छ । साउन २७ गते १: ०० बजे प्रदेश प्रमुखबाट प्रदेशसभाको

कोरोना भाइरसको सङ्क्रमण आज एकै दिन तीन हजार ९३८ जनामा देखिएको छ । स्वास्थ्य तथा जनसङ्ख्या मन्त्रालयले सार्वजनिक गरेको तथ्याङ्कअनुसार

हुम्ला । मुगु र हुम्ला जिल्ला जोड्ने लिंक रोड निर्माण गरे पनि कर्णाली नदीमा पुल निर्माणमा ढिलाइ भएको छ ।

काठमाडौं । तीन साता बितिसक्दा पनि प्रधानमन्त्री शेरबहादुर देउवाले मन्त्रिपरिषदलाई पूर्णता दिन सकेका छैन । मन्त्रालयको टुंगो लाग्नु त परैजाओस्