प्रधानमन्त्रीको सहमतिको सरकारको प्रस्ताव काग्रेस सभापतिद्धारा अस्विकार

१९ जेष्ठ २०६९, शुक्रबार ०९:२९ मा प्रकाशित

काठमाडौ, १९ जेठ । राष्ट्रिय सहमतिको सरकार गठनको बारेको छलफललाई तीब्रता दिनु भएका प्रधानमन्त्री डा बाबुराम भट्टराईले आज नेपाली काङ्ग्रेसका सभापति सुशील कोइरालासँग भेटवार्ता गरेका छन् । कोइराला निवास महाराजगन्जमा भएको भेटमा राष्ट्रिय सहमतिको सरकार गठन र संविधानसभाको नयाँ निर्वाचनको बारेमा छलफल भएको थियो । भेटमा प्रधानमन्त्रीले काग्रेस सभापति सुशिल कोइरालालाई आफू नेतृत्वको सरकारमा आएर राष्ट्रिय सहमतिको सरकारमा रुपान्तरण गर्न आग्रह गरेका थिए । सभापति कोइरालाले भने आफुहरुले सरकारलाई असम्बैधानिक ठहर गरिसकेकोले यो सरकारमा भन्दा पनि सहमतिमा अर्को सरकार गठन गर्नु पर्ने बताएका थिए ।
कोइरालाले राष्ट्रिय सहमतिको सरकार गठनमा आफ्नो पार्टीले सघाउने तर एकलौटी रुपमा संविधानसभाको नयाँ चुनावको मिति घोषणा गरेर सहमतिको वातावरण बिगारेको गुनासो गर्दै सहमतिको लागि सबै दलहरुको बीचमा छलफल गर्न सुझाव दिएका थिए । सरकार बाहिर रहेका दलहरुले सरकारले गरेको संविधानसभाको निर्वाचनको घोषणा अवैधानिक भएकोभन्दै आलोचना र मोर्चाबन्दी गर्न थालेपछि प्रधानमन्त्रीले दलहरुसँगको छलफललाई तीब्रता दिएका हुन । प्रधानमन्त्री भट्टराईले हिजो साँझ सरकार गठनको बारेमा एमाले अध्यक्ष झलनाथ खनालसँग भेटवार्ता गरेका थिए ।

प्रतिक्रिया
सम्बन्धित खवर

काठमाडौं । नेपालमा गत २४ घण्टामा ७३६८ जनामा कोरोना भाइरस संक्रमण पुष्टि भएको छ । १९ हजार ५ सय ३९

काठमाडौँ । जनता समाजवादी पार्टी (जसपा) नेपालले प्रधानमन्त्री केपी शर्मा ओलीको शपथ बदर गर्न माग गरेको छ । जसपा नेपालका

काठमाडौं । प्रधानमन्त्री केपी शर्मा ओलीले लिएको सफतविरुद्ध सर्वोच्चमा रिट पेश भएको छ । प्रधानमन्त्री ओलीलाई शुक्रबार राष्ट्रपति विद्यादेवी भण्डारीले

प्रयागराज । भारतको उत्तर प्रदेशका प्रहरीहरु अहिले गङ्गा नदीका किनारामा बालुवाले अलिअलि छोपछाप पारिएका शवको अनुसन्धान गर्न खटिएको छ ।