१८ जेष्ठ २०६९, बिहीबार १८:२५ मा प्रकाशित

सुनकोशीमा बस खस्दा मृत्यु हुनेको संख्या ५ पुग्यो
काठमाडौ, १८ जेठ । अरनिको राजमार्गअन्तर्गत सिन्धुपाल्चोक जिल्लाको फुल्पिङडाँडा गाविसको वडा नम्बर –५ स्थित कोठे नजिकैबाट यात्रुबाहक बस आज सुनकोशी नदीमा खस्दा मृत्यु हुनेको संख्या ५ पुगेको छ । बिहान ७ बजे काठमाण्डूबाट सिन्धुपाल्चोकको मानेश्वरा गाविसका लागि छुटेको बा २ ख ३३४७ नम्बरको बस साढे दश बजेतिर दुर्घटनामा परेको प्रत्यक्षदर्शीले बताएका छन् । मृत्यु हुने मध्ये ३ जनाको घटना स्थलमै र २ जनाको उपचारको क्रममा अस्पतालमा मृत्यु भएको इलाका प्रहरीका कार्यालय बाह्रबिसेले जनाएको छ । दुर्घटनामा परी २७ जना घाइते भएको प्रहरी निरीक्षक सुजनराज भण्डारीले जानकारी दिनुभयो । सामान्य घाइतेहरुको सिन्धुसदावहार अस्पताल खाडीचौरमा उपचार भएपनि गम्भीर ५ जनालाई भने थप उचारका लागि काठमाण्डु रिफर गरिएको प्रहरी निरीक्षक भण्डारीले बताउनुभयो । मृत्यु भएका मध्ये सिन्धुपाल्चोक जिल्लाको फुल्पीङडाँडा गाविस वडा नम्बर–५ का ३२ बर्षिया टिका नेपाल र सोहि वडाका ४ वर्षिय बालक सञ्जिव भण्डारीको मात्र सनाखत भएको प्रहरीहरुले जनाएको छ । मृतक सबैको शव पोष्टमार्टमका लागि बाह्रबिसे अस्पातल पु¥याइएको छ । घटनाको कारण भने अझै खुल्न नसकेको प्रहरीको भनाइ छ ।

प्रतिक्रिया
सम्बन्धित खवर

लण्डन । कोरोना संक्रमणले तीन साताभित्र विदेशमा पछिल्ला तीन साताभित्र थप ३९ जना नेपालीको निधन भएको छ । गैरआवासीय नेपाली

काठमाडौँ । नेकपा एमालेका अध्यक्ष केपी शर्मा ओलीले माधवकुमार नेपाललगायतलाई पार्टीमा कुनै ठाउँ नभएको बताएका छन् । काठमाडौँ जिल्ला कमिटीको

काठमाडौं । सरकारले कोरोना भाइरस सङ्क्रमणविरुद्धको खोप आगामी असोजमसान्तसम्म एक करोड ८३ लाख ८२ हजार ८५० मात्रा ल्याउने भएको छ

झापा । विर्तामोडको एउटा होटलमा २२० डोज भेरोसिल खोपसहित स्वास्थ्य शाखा विर्तामोडका फोकल पर्सन ओमबहादुर खड्कालाई प्रहरीले नियन्त्रणमा लिएको छ