आजबाट लोडसेडिङका् समय घट्यो

१८ जेष्ठ २०६९, बिहीबार १६:३७ मा प्रकाशित

काठमाडौ, १९ जेठ । नदीनालामा पानीको बहाव उच्च भएको र वर्षायाम सुरु हुन लागेको भन्दै नेपाल विद्युत् प्राधिकरणले आजदेखि लागू हुनेगरी दैनिक एक घन्टाका दरले लोडसेडिङ घटाएको छ । प्राधिकरणको भारपे्रषण केन्द्रका अनुसार यसअघि दैनिक आठ घन्टाका दरले सातामा ५६ घन्टासम्म गर्दै आएको लोडसेडिङ आजदेखि सातामा सात घन्टाका दरले ४९ घन्टामा सीमित गरेको जनाएको छ । केन्द्रले यही जेठ १२ गतेदेखि लागु हुने गरी त्यसअघि हुँदै आइरहेको ६३ घन्टाको लोडसेडिङलाई सातामा दैनिक नौ घन्टाका दरले ५६ घन्टामा सीमित गरेको थियो । औद्योगिक क्षेत्रमा यसअघि हुँदै आएको दैनिक ११ घन्टासम्मको लोडसेडिङमा परिवर्तन गरी दैनिक १० घन्टा कायम गरिएको छ । नयाँ कार्यतालिकामा निर्धारण गरिएको समयमा पाँच मिनेटको हेरफेर हुन सक्ने पनि केन्द्रले जनाएको छ । केन्द्रले मुलुकका विभिन्न स्थानमा ७० प्रतिशतभन्दा बढी चुहावट हुने क्षेत्रमा भने निर्धारित कार्यतालिकामा थप पाँच घन्टासम्म लोडसेडिङ हुने जनाएको छ । अब सातामा दुई दिन आठ घन्टा, एक दिन साढे सात घन्टा, एक दिन सात घन्टा, एक दिन साढे छ घन्टा, एक दिन छ घन्टा एक दिन पाँच घन्टा मात्र लोडसेडिङ हुने पनि केन्द्रले जनाएको छ ।

प्रतिक्रिया
सम्बन्धित खवर

डोटी । कोरोना भाइसको जोखिम कायमै रहेका बेला त्यसको बेवास्ता गर्दै सयौँ सुदूरपश्चिमेली काम खोज्नका लागि दिनहुँ भारत पस्न थालेका

चितवन- नयाँ पर्यटकीय गन्तव्यका रूपमा चिनिएको सिन्ती झरना आन्तरिक पर्यटकीय गन्तव्य बन्दै गइरहेको छ । चितवनको कालिका नगरपालिका-९ मा रहेको

काठमाडौं । राष्ट्रियसभाको प्रत्यायोजित व्यवस्थापन तथा सरकारी आश्वासन समितिले रोजगार अनुमति प्रणाली (इपिएस)अन्तर्गत भाषा र सीप परीक्षा उत्तीर्ण युवाहरु डेढ

काठमाडौं । नेपालमा प्रायः सबै उपभोग्य सामग्रीको बजार मूल्यमा एकरुपता पाइँदैन । नियमित बजार अनुगमन नहुँदा भान्सामा नभइ नहुने चिनीको