सुडान घोटालाका आरोपी विरुद्ध आज अख्तियारले सर्वोच्चमा पुनरावेदन गर्ने

१८ जेष्ठ २०६९, बिहीबार ०९:३५ मा प्रकाशित

काठमाडौ, १८ जेठ । नेपाल प्रहरीको सुडान मिसनमा आवश्यक एपीसी खरिदमा भएको घोटालाको अभियोगमा विशेष अदालतले दावी विपरित फैसला गरेको ठहर सहित अख्तियारले सर्वोच्च अदालतमा पुनरावेदन गर्ने भएको छ ।
अख्तियार स्रोतका अनुसार सुडान घोटालामा संलग्न ३६ जना प्रहरी अधिकारी, दलाल र ब्यापारी विरुद्धको मुद्दामा विशेष अदातले कम सजाय गरेको र केहीलाई निरपराधी ठानेको भन्दै त्यस विरुद्ध सर्वोच्च जान लागिएको हो ।
सो काण्डमा पूर्वं प्रहरी प्रमुख रमेशचन्द्र ठकुर, अच्यूतकृष्ण खरेल, ओमविक्रम राणा, हेमबहादुर गुरुङ, मोतिलाल बोहरा, प्रदिप समशेर जवरालगायतका संलग्न भएको आरोप अख्तियारको छ ।
मुद्दा दायर गरिएका मध्ये २४ जना प्रहरी सेवाका बहालबाला अधिकारी हुन भने १० जना सेवा निबृत्त भईसकेका छन् ।
प्रहरी सेवाका यति धेरै अधिकारिविरुद्ध भ्रष्टाचार मुद्दा दायर गरि कारवाही अगाडि बढाईएको यो पहिलो घटना हो । प्रहरी अधिकारीहरुबाहेक लण्डन स्थित एस्यूर्ड रिस्क्स लिमिटेडका निर्देशक माईकल रिडर र त्यसको नेपाल स्थित प्रतिनिधि भगवती ट्रेडर्सका प्रोप्राईटर शम्भु भारती पनि अभियोगीमा छन् ।
अख्तियारले विशेष अदालतमा पूर्व प्रहरी महानिरिक्षक ठकुरी सहित विशिष्ट श्रेणीका आठ प्रहरी अधिकारीविरुद्ध १३ वर्ष कैद र अन्य ३३ जनाविरुद्ध १० वर्ष कैद, विगो असुली र त्यतीनै जरिवानाको माग दावी गरेको थियो । अख्तियारले सो काण्डामा २८ करोड ८१ लाख ६१ हजार ६ सय २९ रुपैया ३० पैसा घोटाला भएको दावी गरेको छ ।
विशेष अदातलले पूर्व आईजीपीहरु ओमविक्रम रणालाई दुई वर्ष कैदका साथै १७ करोड रुपैया जरिवाना, हेमबहादुर गुरुङलाई दुई वर्ष कैद र ६ करोड रुपैया जरिवाना साथै रमेश चन्दलाई २ वर्ष कैद र ४ करोड रुपैया जरिवाना गरेको थियो । त्यस्तै माईकल रडारलाई २ वर्ष कैद र २८ करोड रुपैया जरिवाना र सम्भु भारतीलाई २ वर्ष कैद र १४ करोड रुपैया जरिवाना गरेको थियो । अन्य ३१ प्रहरी अधिकारीहरुलाई भने विशेषले सफाई दिएको थियो ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार