राष्ट्रिय सहमतिको सरकार गठनका लागि प्रक्रिया अघि बढाउन राष्ट्रपतिलाई एमालेको आग्रह

१६ जेष्ठ २०६९, मंगलवार १८:०० मा प्रकाशित

काठमाडौ १६ जेठ । नेकपा एमालेले संवैधानिक व्यवस्थाअनुरुप राष्ट्रिय सहमतिको सरकार गठनका लागि अविलम्ब प्रक्रिया अघि बढाउन राष्ट्रपतिलाई आग्रह गरेको छ । यसैगरी  एमालेले संविधानसभाबाट संविधान निर्माण गर्ने सम्भावना रहँदारहँदै त्यसलाई असफल बनाउने काम भएको जनाएको छ । आज बसेको स्थायी समितिको बैठकले संविधान संशोधन गरी व्यवस्थापिका–संंसदलाई कायम राख्दै नयाँ जनादेशमा जान सकिने सम्भावना रहे पनि एकलौटीरुपमा निर्वाचनको घोषणा गरेर प्रधानमन्त्रीले मुलुकलाई संवैधानिक संकटतर्फ उन्मुख गराउने र सर्वसत्तावाद लाद्ने कोशिस गरेको निष्कर्ष निकालेको छ । संविधानसभा बिघटन भएको अवस्थामा वर्तमान सरकार कामचलाउ अवस्थामा रहेकोले संविधानसभाको निर्वाचन गराउन सक्ने हैसियत नभएको पनि एमालेले जनाएको छ । बैठकपछि अध्यक्ष झलनाथ खनालले जारी गर्नुभएको विज्ञप्तिमा संविधानसभा बिघटन गरी अर्को निर्वाचनमा जाँदा उत्पन्न हुनसक्ने राजनीतिक, संवैधानिक र कानुनी प्रश्नहरुमा विचारै नगरी प्रधानमन्त्रीका तर्फबाट चालिएको कदम असंवैधानिक र त्रुटिपूर्ण रहेको कुरा स्पष्ट भइसकेको उल्लेख छ । ऐतिहासिक जनआन्दोलन र बिस्तृत शान्ति संझौताको भावना र मर्म तथा नेपालको अन्तरिम संविधान–२०६३ विपरित सर्वसत्तावादीढंगले अघि बढ्न खोज्ने भट्टराई नेतृत्वको सरकारले जनआन्दोलनको भावनाविपरित संविधानसभालाई असफल बनाउने र अन्तरिम संविधानको मर्मविपरित मुलुकलाई जनप्रतिनिधिबिहीन अवस्थामा पु¥याउने षडयन्त्रपूर्ण अपराध गरेको पनि विज्ञप्तिमा उल्लेख छ ।

प्रतिक्रिया
सम्बन्धित खवर

काठमाडौं । प्रतिनिधि सभामा दोस्रो, तेस्रो र चौथौं ठूलो दलका रूपमा रहेका नेपाली कांग्रेस, माओवादी केन्द्र र जनता समाजवादी पार्टीले

काठमाडौँ । नेपालको संवैधानिक व्यवस्थाअनुसार वर्तमान प्रधानमन्त्री केपी शर्मा ओलीले प्रतिनिधिसभाबाट विश्वासको मत प्राप्त गर्न सक्नुभएन । अहिलेको सरकार नेपालको

काठमाडौं । माधवकुमार नेपाल र झलनाथ खनालसहित नेकपा एमालेका २८ जना सांसदले प्रधानमन्त्री केपी शर्मा ओलीलाई विश्वासको मत दिन अश्वीकार

काठमाडौं । प्रधानमन्त्री केपी शर्मा ओलीलाई संसदबाट विश्वासको मत प्राप्त भएन । संसदले विश्वासको मत नदिएपछि उनी पदमुक्त भएका छन्