निर्वाचन घोषणापछिको अवस्थामा काङ्ग्रेस र एमाले रणनीति तय गर्दै

१५ जेष्ठ २०६९, सोमबार ०९:३९ मा प्रकाशित


काठमाडौ, १५ जेठ । सरकारका तर्फबाट ताजा जनादेशका लागि निर्वाचनको घोषणा गरेपछि नेपाली काङ्ग्रेस र नेकपा एमालेले अबको रणनीतिको बारेमा छलफल गर्दैछन् । एकीकृत नेकपा माओवादीले दलहरुलाई सहमतिमा नलिई सरकारका तर्फबाट निर्वाचनको घोषणा गरेपछि आफ्नो भावी रणनीति तय गर्न दुईदल आज छलफलमा जुट्ने भएका छन् । नेकपा एमालेका सचिव युवराज ज्ञवालीले नेताहरुबीच अनौपचारीक छलफल भइरहेको र आजै स्थायी समितिको बैठक पनि बस्ने जानकारी दिनुभयो । अहिले नै कुन तहको रणनीति बनाउने भन्ने विषयमा टुङगो लागेको छैन अब स्थायी समिति, केन्द्ीय समितिका बैठक गरेर एउटा निस्कर्षमा पुग्छौ ज्ञवालीले भन्नुभयो । उहाँले निर्वाचनको विपक्षमा रहेका अरु दलहरुसँग पनि एमालेले छलफल चलाउने बताउनुभयो । नेपाली काङ्ग्रेस पनि आन्तरिक छलफलमा रहेको छ । उच्चतहका नेताहरुबीच अहिले बिहान सभापति शुसील कोइरालाको महाराजगञ्जस्थित निवासमा छलफलको तयारी भइरहेको छ । महामन्त्री कृष्णप्रसाद सिटौलाले अब सरकारको कदम विरुद्ध रणनीति तय गर्ने र त्यसका लागि छलफल भइरहेको बताउनुभयो । अरु सानदलहरुले पनि आज विगतको समीक्षाका लागि भन्दै आफ्ना आफ्ना दलका बैठक बोलाएका छन् ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता