संसदीय समितिको भागबण्डा मिल्यो

२ भाद्र २०७१, सोमबार ०६:०४ मा प्रकाशित

काठमाडौं, २ भदौं । दलीय भागवन्डा मिलेपछि झण्डै सात महिनादेखि रिक्त संसदीय समितिले नेतृत्व पाउने भएका छन् । प्रमुख दलहरुबीचको किचलोका कारण रोकिएको सभापति चयन प्रक्रिया सोमबारबाट प्रारम्भ हुने भएको छ ।

नेताहरुका अनुसार विषयगत ११ र विशेष ३ गरी १४ समिति मध्ये काग्रेसरएमालेले ४-४, एमाओवादी २, राप्रपा नेपाल, मधेसी दल र साना दललाई १र१ समितिको नेतृत्व दिने सहमति भएको छ । सुरक्षा विशेष समितिको नेतृत्व भने सभामुखले नै गर्ने व्यवस्था छ ।

कांग्रेसका प्रमुख सचेतक चीनकाजी श्रेष्ठका अनुसार काग्रेसको भागमा राज्यव्यव्स्था, कृषि तथा जलस्रोत, उद्योग वाणिज्य तथा उपभोक्ता हित र संसदीय सुनुवाई समिति परेको छ ।

त्यसै एमालेको भागमा विकास, अर्थ, महिला बालबालिका, जेष्ठ नागरिक तथा समाजकल्याण र सुशासन तथा अनुगमन समिति परेको छ ।

लेखा र अन्तर्राष्ट्रिय तथा श्रम समिति एमाओवादी, सामाजिक न्याय तथा मानवअधिकार राप्रपा नेपाल, वातावरण संरक्षण समिति मधेसी दल र विधायन समिति साना दलमध्येलाई दिने सहमति भएको छ ।

संसदले आउदो बुधवार सभापति चयन गर्ने गरी सोमबार कार्यालालिका सार्वजनिक गर्ने तयारी गरेको छ । लेखा समितिको सभापतिमा भने दुई साताअघि नै एमाओवादी नेता जनार्दन शर्मा चुनिएका छन् ।

नेतृत्व नहुदा मिनि संसदको रुपमा चनिने समितिहरु प्रभावकारी बन्न सकेका थिएनन् ।

दलहरुले समितिको नेतृत्व चयनमा चासो नदिएपछि सभामुख सुवास नेम्बाङले आफ्नो अधिकार प्रयोग गर्दै लेखा समितिको निर्वाचनको मिति घोषणा गरिदिएको समाचार आजको कान्तिपुर दैनिकले छापेको छ ।

त्यसपछि पनि अन्य समितिको नेतृत्व चयनका लागि दलहरुले तदारुकता नदेखाएपछि सबैको निर्वाचन तालिका तय गरिएको हो ।

कुन समिति कसको भागमा ?

कांग्रेस

राज्य व्यवस्था

कृषि तथा जलस्रोत

उद्योग बाणिज्य तथा उपभोक्ता हित सम्वन्ध

संसदीय सुनुवाई

एमाले

विकास समिति

अर्थ

महिला बालबालिका, जेष्ठ नागरिक र समाज कल्याण

सुशासन तथा अनुगमन

एमाओवादी

लेखा

अन्र्तराष्ट्रिय तथा श्रम

राप्रपा नेपाल

सामाजिक न्याय तथा मानवअधिकार

मधेशी दल

वातवरण संरक्षण समिति

साना दल

विधायन समिति

प्रतिक्रिया
सम्बन्धित खवर

काठमाडौँ । देशभर आंशिकदेखि सामान्य बदली रही तीन प्रदेशमा भारी वर्षा हुने भएको छ । जल तथा मौसम विज्ञान विभागका

गलेश्वर । मानिसको जीवनमा निकै विरोधाभाषपूर्ण स्थिति पनि उत्पन्न हुँदोरहेछ भन्ने गतिलो उदाहरण बन्नु भएको छ म्याग्दीको बेनी नगरपालिका–२ बगरफाँटका

काठमाडौँ । काठमाडौँको बालाजुमा रहेको जुत्ता कारखानामा आगलागी भएको छ ।काठमाडौँ महानगरपालिका–१६ बालाजु बाइपास नजिकको एक घरमा केहीबेर अगाडि आगलागी

काठमाडौँ । राष्ट्रिय सूचना आयोगले सूचना नदिने ३३ कार्यालय प्रमुखलाई कारबाही गरेको छ । आयोगले सूचनाको हकसम्बन्धी ऐन, २०६५ को