इबोला सन्त्रास,पश्चिम अफ्रिकामा नेपाली सुरक्षित

१ भाद्र २०७१, आईतवार ०७:४१ मा प्रकाशित

काठमाडौं, १ भदौ । पश्चिम अफ्रिकी मुलुकमा इबोला भाइरसको महामारी फैलिएपछि गैरआवासीय नेपाली संघ (एनआरएन) अफ्रिकाका संयोजक हिक्मत थापालाई भ्याइनभ्याइ छ। ‘परिवार, नातेदार, साथीभाइसँग अरू नेपालीले फोन र इमेल गरेर सोधेको सोध्यै हुन्छन्,’ इबोला भाइरस प्रभावित नाइजेरियामा कार्यरत उनले टेलिफोनमा भने, ‘यहाँभन्दा बाहिर पो बढी त्रास रहेछ।’

थापाका अनुसार पश्चिम अफ्रिकी मुलुकमा कार्यरत नेपालीमा भाइरस संक्रमण भएको जानकारी छैन। ‘यतातिरका सबै नेपालीसँग सम्पर्क भइरहेको छ,’ उनले भने, ‘कोही पनि संक्रमित छैनन्। सबैलाई सतर्कता अपनाउन आग्रह गरेका छौं। उनीहरू निकै सचेत पनि छन्।’

इबोलाबाट पश्चिमी अफ्रिकाका लाइबेरिया, सियरा लियोन, गिनी बढी प्रभावित छन् भने नाइजेरियामा पनि केही संक्रमित देखिएका छन्। इबोलाका कारण १ हजारभन्दा बढीको मृत्यु भइसकेको विश्व स्वास्थ्य संगठन ९डब्लुएचओ० ले जनाएको छ। लाइबेरियामा मात्रै ६ सय ७० संक्रमितमध्ये ३ सय ५५ जनाको मृत्यु भइसकेको छ।

डब्लुएचओमा ट्रपिकल डिजिज र पब्लिक हेल्थ विशेषज्ञका रूपमा कार्यरत नेपाली चिकित्सक ताराप्रसाद श्रेष्ठले सचेत मानिस भएको ठाउँमा बढी त्रास रहेको बताए।

नाइजेरियाको कार्डुना क्षेत्रमा रहेका उनले नाइजेरिया र अन्य स्थानमा रहेका नेपालीले सम्पर्क गरिरहेको बताए। ‘कसरी बच्ने भनेर फोन आउँछ,’ श्रेष्ठले नागरिकसँग टेलिफोनमा भने, ‘विभिन्न खालका अफवाह फैलिने गरेका छन्। त्यसले पनि त्रास बढाएको छ।’ एनआरएनले त्यहाँका नेपालीलाई आवश्यक परे श्रेष्ठसँगै सम्पर्क गर्न सूचना जारी गरेको छ।

इबोला फैलिएका देशमा भेट हुँदा हात मिलाउन छाडिएको समाचार आजको नागरिक दैनिकले छापेको छ। ‘कार्यालयभित्र प्रवेश गर्ने स्थानमा हात धुने व्यवस्था गरिएको छ,’ नाइजेरियाको लेगोसमा रहेका थापाले भने, ‘सरकारले जनचेतना बढाउन विभिन्न कार्यक्रम सुरु गरेको छ। डिटोल बोकेर हिँड्न थालिएको छ।’

प्रतिक्रिया
सम्बन्धित खवर

सुर्खेत।खाद्यान्नको चरम अभाव भएको हुम्लाको नाम्खा गाउँपालिका-६ स्थित लिमीमा २५० क्विन्टल खाद्यान्न पुर्‍याइएको छ । नेपाली सेनाको हेलिकप्टरबाट लिमीमा २

सिमकोट । हिमपातपछि हुम्लामा चिसो बढेसँगै यहाँको जनजीवन कष्टकर बन्दै गएको छ । हुम्ला उच्च हिमाली जिल्ला भएकाले हिमपातपछि जिल्लाको

मुस्ताङ । कोरोना सङ्क्रमणको नयाँ भेरियन्ट ओमिक्रोनलाई मध्यनजर राख्दै हिमालपारिको जिल्ला मुस्ताङ प्रवेश गर्न पीसीआर रिपोर्ट वा कोरोना विरुद्धको पूर्ण

काठमाडौं । पश्चिमी वायुसँगै आएको पश्चिमी न्युन चापीय प्रणाली र अबर सागरमा बनेको न्यून चापीय क्षेत्रका कारण नेपालमा मौसम प्रतिकूल बन्दै गएको

आजको प्रमुख समाचार