जातीय पहिचान सहितको संघीयता र संविधासभा नरहे सडक आन्दोलन गर्ने माओवादीको चेतावनी

१२ जेष्ठ २०६९, शुक्रबार ११:५३ मा प्रकाशित

काठमाडौ, १२ जेठ । एकीकृत नेकपा माओवादीले पहिचान सहितको संघीयता सहितको संविधान जारी हुने अवस्था नभए सडक संघर्षमा जाने निर्णय गरेको छ ।
पार्टीको स्थायी समितिको आज बसेको बैठकले पहिचान सहितको संघीयताप्रति अडान ब्यक्तगर्दै संघीयता विनाको संविधान जारी हुने भए वा संविधान जारी नभई संविधानसभा विघठन हुने अवस्था आए विभिन्न पक्षसँग सहकार्य गरी आन्दोलन गर्ने निर्णय गरेको हो ।
त्यसकोलागी माओवादीले मधेसी मोर्चा, बृहद मधेसी मोर्चा, जनजाती आदीबासीसँग मिलेर संघर्ष गर्ने छ । उसले आन्दोनल शान्तिपूर्ण हुने स्पष्ट पारेको छ ।
आजको बैठकले सर्वोच्च अदालतले संविधानसभाको म्यादको सम्बन्धमा गरेको फैसलालाई राजनीतिक पूर्वाग्रहीको संज्ञा दिदै त्यसलाई नस्विकार्ने पनि स्पष्ट पारेको छ । उसले सर्वोच्चको फैसलालाई संविधानसभालाई बेअर्थको बनाउँदै संविधान बन्न नदिने षडयन्त्रको संज्ञा समेत दिएको छ ।
पार्टीको अडान १४ प्रदेश भए पनि १० प्रदेशमा पार्टी लचक हुन सक्ने भन्दै जातीयतालाई भने पार्टीले नछाड्ने निर्णय पनि बैठकले गरेको छ । त्यसमा सहमत भए संघको नामाकरणमा भने माओवादीले लचक हुन तयार रहेको स्पष्ट पारेको छ । स्रोतका अनुसार माओवादी जातीय पहिचानलाई कायम राख्दै त्यसमा अन्य पहिचानलाई समेत जोडन तयार भएको छ ।

प्रतिक्रिया
सम्बन्धित खवर

निर्वाचन आयोगले मंसिर २ गते संघीय तथा प्रदेश प्रतिनिधिसभाको निर्वाचन गर्न सरकारलाई सुझाव दिने भएको छ । आयोग स्रोतकाअनुसार बुधबार

काठमाडौँ ।सरकारले प्रतिनिधिसभामा रहेको नागरिकता विधेयक फिर्ता लिने निर्णय गरेको छ । मन्त्रिपरिषद्को मंगलबार बसेको बेठकले नागरिकता विधेयक फिर्ता लिने

काठमाडौं। नेपाली कांग्रेसबाट सरकारमा प्रतिनिधित्व गर्ने मन्त्रीहरुले अर्थमन्त्री जनार्दन शर्माको राजीनामा मागेका छन्। मंगलबार दिउँसो प्रधानमन्त्री तथा मन्त्रिपरिषद्‌को कार्यालयमा बसेको

काठमाडौं । सत्तारुढ दल नेपाली कांग्रेसको पदाधिकारी बैठक सकिएकाे छ । पार्टी कार्यालय सानेपामा मंगलबार बसेकाे बैठक चुनावी रणनीति र

आजको प्रमुख समाचार