सहमति भएका विषयलाई आज अन्तिम रुप दिइने

१२ जेष्ठ २०६९, शुक्रबार ०९:१७ मा प्रकाशित

काठमाडौ, १२ जेठ । भावी संविधानका विवादित विषयमा भएका सहमतिहरुलाई दलहरुले आज अन्तिम रुप दिने भएका छन् । सर्वोच्च अदालतको फैसलापछि दवावमा परेका राजनीतिक दलहरुले भएका सहमतिको बारेमा एकसरो छलफल गरेर अन्तिम रुप दिन लागेका हुन् । विवादित विषयमा भएका सहमतिको बारेमा छलफल गर्न विवाद समाधान उपसमितिको बैठक आज बस्दैछ । प्रमुख चार दलको बैठकपछि सिंहदरवारमा सुरु हुने उपसमितिको बैठकमा दलहरुबीच भएको सहमतिका बुँदालाई अन्तिम रुप दिने बारेमा कुराकानी हुने उपसमिति सदस्य लक्ष्मणलाल कर्णले जानकारी दिनुभयो । गएको २ गते दलहरुबीच राज्यपुनर्संरचना लगायतका विषयमा सहमति भएको भनिए पनि बृहत तथा संयुक्त लोकतान्त्रिक मधेसी मोर्चाले २ गतेको सहमतिमा विरोध जनाउँदै आएका छन् । उपसमिति सदस्य कर्णका अनुसार आज विवादित विषयलाई अन्तिम रुप दिइएको अवस्थामा संबैधानिक समितिको बैठक पनि बस्नेछ । अन्तिम रुप दिइएका सहमतिका बुँदा उपसमितिले संबैधानिक समितिमा बुझाएको खण्डमा आज संविधानसभाको बैठक बस्ने सम्भावना बढेको छ । संविधानसभाको बैठक दिउँसो ३ बजेको लागि बोलाइएको छ ।

प्रतिक्रिया
सम्बन्धित खवर

काठमाडौं । नेपालमा २४ घन्टाको अवधिमा ३ हजार ८ सय ९९ जना कोरोना भाइरस संक्रमित थपिएका छन् भने २० जनाको

काठमाडौं । पूर्वसभामुख कृष्णबहादुर महराले उच्च अदालतबाट पनि सफाइ पाएका छन् । जवर्जस्ती करणी उद्योग मुद्दामा अदालतले सफाइ दिएको हो

काठमाडौँ । नेपाली कांग्रेसले देशभरका आठ लाख ५२ हजार ७११ जनालाई क्रियाशील सदस्यता प्रदान गरेको छ । कांग्रेसको क्रियाशील सदस्यता

गैरआवासीय नेपाली सङ्घ(एनआरएनए) हङकङले कास्कीको माछापुच्छ गाउँपालिका–२ स्थित सार्दिखोला स्वास्थ्य चौकीलाई दुई थान अक्सिजन कन्सनट्रेटर उपलब्ध गराएको छ । एनआरएनएले