संविधानसभाको म्याद थपको प्रक्रिया अगाडि नबढाउन सर्वोच्चको आदेश

११ जेष्ठ २०६९, बिहीबार १७:१० मा प्रकाशित

काठमाडौ, ११ जेठ । सरकारले संविधान सभाको म्याद तीन महिना थप्न संसद सचिवालयमा दर्ता गराएको अन्तरिम संविधानको १३ औ संसोधन विद्ययेक पारित गर्ने प्रक्रिया अगाडि नबढाई यथास्थितिमा राख्न आदेश दिएको छ ।
प्रधानन्यायाधीश खिलराज रेग्मीको एकल इजलासले गरेको फैसलामा जेठ १४ गतेपछि संविधान सभा विघटन हुन्छ भनी यसअघि सर्वोच्चले  आदेश जारी नै नगरे जस्तो गरी सरकारले विधेयक पेश गरेको देखिएको भनि टिप्पणी गरेको छ ।
अदालतले जेठ १४ गते भित्रै संविधान जारी गर्नुपर्ने आदेश दिएको छ ।  सर्वोच्चको यो फैसलासँगै सरकारले संविधान सभाको म्याद तीन महिना थप गर्ने गरी दर्ता गरेको अन्तरिम संविधानको १३  औ संशोधन विधेयकको कारबाही अघि बढाउन कानुनी रुपमा रोक लागेको छ । यो फैसलाले जसरी पनि तीन दिनभित्रै संविधान जारी गर्न  दबाब परेको छ ।

संविधानसभाको म्याद थपको विरुद्ध विद्येयक दर्ता गराएको भोलिपल्टै बुधबार सर्वोच्च अदालतमा त्यसविरुद्ध तीन छुट्टाछुट्टै रिट र अवहेलना मुद्दा दर्ता भएको थियो ।
अधिवक्ता बालकृष्ण न्यौपाने र भरतमणि जंगम, अधिवक्ता कञ्चनकृष्ण न्यौपाने र अधिवक्तात्रय राजकुमार राना, चन्द्रलाल श्रेष्ठ र जगदेव चौधरीले म्याद थप भए कानुनी शासनमाथि नै गम्भीर आघात पर्ने भन्दै रिटमा यसको कार्यान्वयनमा रोक लगाउन अन्तरिम आदेश माग गरेका थिए ।
यसैवीच सर्वोच्चको फैसलाका विषयमा एमाले र काग्रेस सहितका दलका शिर्ष नेताहरुले सकारात्मक भनेका छन् ।
एमाले अध्यक्ष झलनाथ खनालले सर्वोच्चको फैसलालाई सकारात्मक भन्दै यसले दलहरुलाई बाँकी अवधीमै संविधान निर्माण गर्न दवाव परेको बताए ।
काग्रेस नेता रामशरण महतले फैसलालाई सकारात्मक भन्दै अब बाँकी अवधीमै संविधान जारी गर्नुको विकल्प नरहेको प्रतिक्रिया दिए ।
सदभावना पार्टीका अध्यक्ष राजेन्द्र महताले बाँकी चार दिन भित्रै संविधान जारी गर्न दवाव परेको भन्दै संविधान निर्माणको बाटो खुलेको स्पष्ट पारे ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता