उपसमितिद्वारा विवादित विषयको प्रश्नावली तयार

११ जेष्ठ २०६९, बिहीबार १५:३२ मा प्रकाशित

काठमाडौ, ११ जेठ । संवैधानिक समिति अन्तर्गतको विवाद समाधान उपसमितिले मतदानमा लैजाने संविधानका विवादित विषयको प्रश्नावलीलाई अन्तिम रुप दिएको छ । संविधानसभा सचिवालय सिंहदरबारमा आज बसेको उपसमिति बैठकले विवादित प्रश्नलाई अन्तिम रुप दिएको सदस्य लक्ष्मणलाल कर्णले जानकारी दिनुभयो । राजनीतिक सहमतिका लागि अन्तिम प्रयास गर्ने र सहमति नभए भोलिदेखि प्रक्रिया सुरु गर्ने सहमति भएको कर्णले बताउनुभयो ।
एमाले वरिष्ठ नेता माधवकुमार नेपालले भने सहमतिका लागि अन्तिम प्रयास भइरहेको उल्लेख गर्दै जेठ १४ अगावै संविधान जारी गर्न सकिने बताउनुभयो । प्राविधिक रुपमा काम नसकिए केही दिन समय थप गरेर भएपनि संविधान जारी गर्नु बुद्धिमानी हुने उहाँले उल्लेख गर्नुभयो । सहमतिको प्रयासका लागि उपसमिति बैठक भोलि बिहान फेरि बस्नेछ ।
यसैबीच एमाले वरिष्ठ नेता माधवकुमार नेपालले आफूले माओवादी अध्यक्ष पुष्पकमल दाहाल प्रचण्डलाई कुनै आरोप नलगाएको बताउनुभएको छ । सिंहदरबारमा पत्रकारहरुसँग कुरा गर्दै नेता नेपालले आफूले गलत आरोप नलगाएको बताउनुभएको हो । उपसमिति बैठकमा अध्यक्ष प्रचण्डले गुनासो गरेपछि नेता नेपालले चित्त दुखाउने आफ्नो नियत नभएको स्पष्ट गर्नुभएको हो । स्रोतका अनुसार बैठकमा प्रचण्डले नेपाललाई म कसरी षडयन्त्रकारी हो पुष्टि गरेर देखाउनुस, त्यसै आरोप लगाउन पाईदैन भनि आक्रोस पोखेका थिए । रिपोर्टर्स क्लब नेपालले हिजो आयोजना गरेको साक्षात्कारमा नेपालले प्रचण्डलाई षड्यन्त्रकारीको अर्को नाम भएको आरोप लगाउनुभएको थियो ।

प्रतिक्रिया
सम्बन्धित खवर

काठमाडौं । पछिल्लो २४ घण्टामा नेपालमा थप २,५६८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं- सरकारले दार्चुलाका जयसिंह धामी तुइनबाट महाकाली तर्ने क्रममा भारतीय सीमा सुरक्षाबलका जवानले तुइन काटेको भनिएको घटनाबारे छानबिन गर्न पाँच

नेकपा (एमाले) को आज बसेको स्थायी कमिटी बैठकले आगामी भदौ २७ र २८ गते काठमाडौँमा पार्टीको विधान महाधिवेशन आयोजना गर्ने

काठमाडौँ । पछिल्ला केही वर्षयता मनसुनजन्यसहित विपद्का घटना बढ्दो छ । एक दशकको तथ्याङ्क हेर्दा विसं २०७२ सम्म विपद्का दुई