संविधान जारी हुने सुनिश्चित नभएसम्म प्रधानमन्त्रीले राजिनामा नगर्ने

११ जेष्ठ २०६९, बिहीबार ११:५६ मा प्रकाशित

काठमाडौ, ११ जेठ । एकीकृत नेकपा माओवादी स्थायी कमिटि बैठकले संविधान जारी हुने सुनिश्चित नभएसम्म सरकारको नेतृत्व नछाड्ने निर्णय गरेको छ । नयाँ संविधान घोषणा हुने परिस्थिति बनेपछि मात्र पाँच बुँदे सहमति अनुसार नै प्रधानमन्त्रीले राजीनामा दिने निर्णय भएको प्रवक्ता दिनानाथ शर्माले जानकारी दिनुभयो । त्यसैगरी नेपाली काङग्रेस र नेकपा एमाले संविधानसभा विघटन गर्ने षड्यन्त्रमा लागेको निष्कर्ष निकालेको छ । पहिचानसहितको संघीयता कायम गर्न अस्वीकार गरेको र विवादित विषयहरुमा मतदान प्रक्रियामा पनि जान नचाहेकोले काङ्ग्रेस र एमालेले संविधानसभा विघटन गर्न खोजेको निष्कर्ष माओवादीले निकालेको छ । माओवादी पार्टी अध्यक्ष पुष्पकमल दाहाल प्रचण्डको निबास लाजिम्पाटमा आज विहान बसेकोे संस्थापन पक्षको स्थायी कमिटिको अनौपचारिक बैठकले यस्तो निष्कर्ष निकालेको हो । बैठकपछि माओवादी प्रवक्ता दीनानाथ शर्माले काङ्ग्रेस र एमाले संविधानसभा निष्कृय बनाएर देशमा थप अन्योलता सिर्जना गर्नतर्फ लागेको निष्कर्ष निकालिएको बताउनुभयो ।संविधानसभाको म्याद थपको प्रस्तावको विरोधमा नेपाली काङ्ग्रेस र नेकपा एमालेले भने प्रधानमन्त्री डा बाबुराम भट्टराईको राजीनामा माग्दै आएका छन् ।

प्रतिक्रिया
सम्बन्धित खवर

काठमाडौं । ९ वैशाख ०७८ मा सर्वोच्च अदालतले आफैँ नगद दिएर रंगेहात घुसको मुद्दा दर्ता नगराउन आदेशपछि निष्क्रिय जस्तै छ

काठमाडौं । पछिल्लो २४ घण्टामा नेपालमा १ हजार ३३० जनामा कोरोनाभाइरसको संक्रमण पुष्टि भएको छ । स्वास्थ्य तथा मन्त्रालयका अनुसार

काठमाडौं ।पछिल्लो एक महिनादेखि निरन्तर रूपमा शेयर बजारमा उतारचढाव आएको छ। उतारचढाव आउँदा शेयर बजारमा निरन्तर गिरावट आएको थियो ।

गलेश्वर। पहिले पहिले लेकबेँसी, गाउँ–सहर गर्ने बटुवाहरुको थकाइ मेटाउने थलो चौतारीहरु अहिले नासिँदै गएका छन् । गर्मीमा दौँतरीहरु बसेर शीतल