अखण्ड सुदुरपश्चिमको माग गर्दै अनिश्चितकालिन बन्द आब्हान

११ जेष्ठ २०६९, बिहीबार ११:५३ मा प्रकाशित

कन्चनपुर, ११ जेठ । अखण्ड सुदूरपश्चिम संयुक्त संघर्ष समितिले आह्वान गरेको अनिश्चितकालिन आम हड्तालका कारण कञ्चनपुर सदरमुकाम महेन्द्रनगर ठप्प भएको छ । थारु संयुक्त संघर्ष समितिले गरेको बन्दको अवज्ञा गर्दै आएका महेन्द्रनगरका ब्यापारीहरुले बिहान नौ बजेपछि बजार व्यवसाय बन्द गरेका हुन् । गुलरिया, झलारीलगायतका क्षेत्रबाट आएका बन्दकर्ताहरु बजार बन्द गराउँदै हिँडेपछि बन्द–हड्ताल निषेधित क्षेत्र लेखेको प्लेकार्डहरु झुण्ड्याउँदै आएका महेन्द्रनगरका ब्यापारीहरु ब्यापारिक प्रतिष्ठान बन्द गर्न बाध्य भएका छन् । यसअघि सरकारसँग सहमति भएपछि जेठ ४ गतेबाट संघर्ष समितिले आन्दोलन स्थगित गरेसँगै महेन्द्रनगर बजारमा अन्य समूहले गरेको बन्दको अवज्ञा हुँदै आएको थियो । केही दिन अघि बजार बन्द गराउँदै हिँडेका आदिवासी जनजाति संयुक्त संघर्ष समितिका कार्यकर्ता र ब्यापारीबीच झडप भएको थियो । यसैबीच आजैदेखि कैलाली–कञ्चनपुरलाई रानाथारु स्वायत्त प्रदेश घोषणा गरिनुपर्ने माग गर्दै रानाथारु संयुक्त संघर्ष समितिलेपनि आजैबाट दुबै जिल्लामा अनिश्चितकालिन बन्दको गरेको छ । रानाथारु समुदायले लगातारको बन्दका कारण जनजिवन अस्तव्यस्त बनेको ठहर गर्दै यसअघि जेठ २ गतेबाट घोषणा गरेको आमहड्ताल ५ गतेबाट फिर्ता लिएको थियो भने ८ र ९ गते पनि दुबै जिल्ला बन्द गराएको थियो ।

प्रतिक्रिया
सम्बन्धित खवर

काठमाडौँ । केटोन्जी ब्राउन ज्याक्सन अमेरिकी सर्वोच्च अदालतको पहिलो अश्वेत महिला न्यायाधीश बनेकी छन् । उनले गएराती राति पद तथा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

काठमाडौं । नेपाली कांग्रेसका पूर्वसहमहामन्त्री अर्जुननरसिंह केसी अस्पतालबाट डिस्चार्ज भएका छन् । असार १३ गते काठमाडौंको ह्याम्स अस्पतालमा भर्ना भएका

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा