२१ दिनदेखिको तराई बन्द आजदेखि फिर्ता, जनजीवन सहज बन्दै

११ जेष्ठ २०६९, बिहीबार ०९:३९ मा प्रकाशित

काठमाडौ, ११ जेठ । सरकार र थारु संयुक्त सङ्घर्ष समितिबीच १० बुँदे सहमति भएपछि २१ दिने तराई बन्द आजदेखि फिर्ता भएको छ । सिंहदरवारस्थित शान्ति तथा पुनःनिर्माण मन्त्रालयमा हिजो साँझ सरकारी वार्ता टोली र सङ्घर्ष समितिबीच सहमतिपछि तराईका २२ जिल्लामा जारी बन्द र आन्दोलनका सबै कार्यक्रम फिर्ता भएको हो । आन्दोलन फिर्ता भएपछि विहानैदेखि रोकिएका सवारीका साधन तथा यात्रुहरु गन्तब्यतर्फ लागेका छन् । सरकारी बार्ता टोलीका संयोजक एवम् शान्ति तथा पुनःनिर्माणमन्त्री टोपबहादुर रायमाझीले १० बुँदे सहमतिलाई नयाँ बन्ने संविधानमा सबै समावेश गरिने र त्यसबाट थारुहरूको अधिकार सुनिश्चित हुने बताउनुभयो । सहमतिमा जातीय पहिचानका आधारमा सङ्घीयतासहितको लोकतान्त्रिक गणतन्त्रलाई संस्थागत गरी जेठ १४ भित्र संविधान जारी गराइने, संविधानमा समानुपातिक र समावेशी निर्वाचन प्रणाली अवलम्बन गरी समानुपातिकतर्फ न्यूनतम् ६० र प्रत्यक्षतर्फ न्यूनतम् ४० प्रतिशतको व्यवस्था गर्नुपर्ने, राज्यका हरेक अङ्ग र तहमा जाति÷समुदाय, लैङ्गिक जनसङ्ख्याका आधारमा समानुपातिक समावेशी प्रतिनिधित्व सुनिश्चित गराउने उल्लेख छ । आन्दोलनको क्रममा गिरफ्तार सबैलाई बिनाशर्त तुरुन्त रिहा गर्ने एवम् लगाइएका मुद्दा खारेज गर्ने र आन्दोलनका क्रममा घाइते भएकाहरूको निःशुल्क उपचार सरकारले गर्ने सहमतिपत्रमा उल्लेख छ ।

प्रतिक्रिया
सम्बन्धित खवर

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत

काठमाडौं । नेकपा एमालेमा विवाद समाधानका लागि निरन्तर छलफल भइरहेको छ । विवाद समाधानका लागि पार्टी अध्यक्ष केपी शर्मा ओली

काठमाडौं । देशभित्र निर्माणाधीन अवस्थामा रहेका जलविद्युत् एवं प्रसारण लाइन आयोजनालाई समयमा पूरा गर्नेतर्फ ध्यान नदिइएको भन्दै सरकारले नेपाल विद्युत्