संविधानसभाको म्याद थपबारेको विवाद मिलाउन दलहरुले प्रयास गर्ने

११ जेष्ठ २०६९, बिहीबार ०९:३६ मा प्रकाशित

काठमाडौ, ११ जेठ । सरकारको संविधानसभाको म्याद थप सम्बन्धी प्रस्तावसँगै दलहरुबीच बढेको दुरी कमगर्ने प्रयासस्वरुप आज पनि प्रमुख तीन दल र मधेसी मोर्चाको बैठक बस्ने भएको छ । एकीकृत माओवादी, नेपाली काङ्ग्रेस, नेकपा एमाले र संयुक्त लोकतान्त्रिक मधेसी मोर्चाबीच संयुक्त र अलगअलग बैठक बस्न लागेको हो । बैठकको समय र स्थान भने निश्चित भइनसकेको मधेसी जनअधिकार फोरम गणतानित्रकका कार्यबाहक अध्यक्ष राजकिशोर यादवले जानकारी दिनुभयो । बैठकमा जेठ १४ गते भित्र कसरी नयाँ संविधान जारी गर्न सकिन्छ भन्ने बारेमा छलफल हुने नेताहरुले बताएका छन् । काङ्ग्रेस र एमालेले संविधानसभाको म्याद थप्ने सरकारको प्रस्तावको विपक्षमा उभिने निर्णयगदैै छलफललाई तीब्रता दिएपछि एकीकृत माओवादी र मधेसी मोर्चा अफ्टेरोमा परेका छन् । संविधानसभाको म्याद थप्नुपर्ने अवस्था आए प्रधानमन्त्री डा बाबुराम भट्टराईले राजिनामा दिनुपर्ने शर्त काङ्ग्रेस एमालेले राखेका छन् । माओवादी र मोर्चाले भने संविधान जारी भएपछि मात्र प्रधानमन्त्रीले राजिनामा गर्ने बताउँदै आएका छन् ।

प्रतिक्रिया
सम्बन्धित खवर

काठमाडौं । हाल पूर्वीमध्य अरब सागरमा रहेको शक्तिशाली चक्रवात ताउकतेका कारण मंगलबारदेखि देशका धेरै स्थानमा सामान्यदेखि पूर्ण बदलीको सम्भावना छ

काठमाडौं । प्रधानमन्त्री केपी शर्मा ओलीले लिएको सपथविरुद्ध सर्वोच्चमा चार रिट दर्ता भएको छ । वैशाख ३१ गते प्रधानमन्त्री ओलीले

काठमाडौँ । पछिल्लो २४ घण्टामा ९,२४७ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार संक्रमणका कारण एकै

कोरोना सङ्क्रमणबाट दंगीशरण गाउँपालिका वडा नं ३ का वडाध्यक्ष पूर्णबहादुर चौधरीको ६३ वर्षका उमेरमा निधन भएको छ । नेपालगञ्जस्थित कोहलपुर