मधेसी मोर्चा भट्टराई सरकारलाई निरन्तरता दिने पक्षमा, थारु संघर्ष समितिद्वारा आन्दोलनका सबै कार्यमक्रमहरु फिर्ता

१० जेष्ठ २०६९, बुधबार २१:१० मा प्रकाशित

काठमाडौ, १० जेठ । सत्तारुढ प्रमुख घटकहरु माओवादी र मधेसी मोर्चाको आज प्रधानमन्त्री कार्यालय सिंहदरबारमा बसेको बैठकले नयाँ संविधान घोषणा नभएसम्म प्रधानमन्त्री बाबुराम भट्टराईको सरकारलाई निरन्तरता दिने निर्णय गरेको छ । बैठक पछी संचारकर्मीसंग कुरा गर्दै मधेसी मोर्चाका नेता महन्थ ठाकुरले नयाँ संविधान जारी नभएसम्म बाबुराम भट्टराई नेतृत्वको गठबन्धन सरकारलाई निरन्तरता दिने निर्णय भएको जानकारी दिएका छन् । यसअघि आजै एमाले र कङ्ग्रेसले प्रधानमन्त्री भट्टराईको राजीनामा मागेका थिए । एमाले र कङ्ग्रेसले पाँच बुँदे सहमति अनुसार नै प्रधानमन्त्रीको राजीनामा मागेका हुन् । आजै रिपोर्टर्स क्लवको साक्षात्कारमा एमालेवरिष्ठ नेता माधवकुमार नेपालले संविधान सभाको म्याद थपका लागि प्रधान मन्त्री बाबुराम भट्टराईले राजिनामा दिनुपर्ने सर्त अगाडि सारेका थिए । यसै बीच सरकारसंगको वार्तामा सहमति भए पछी थारु संघर्ष समितिले आन्दोलनका सबै कार्यमक्रमहरु फिर्ता लिएको छ । बुधबार सिंहदरबारस्थित शान्ति मन्त्रालयमा भएको वार्तामा संघर्ष समितिको मागहरु नयाँ संविधानमा प्रवेश गराउने सहमति भए पछी समितिले गर्दै आएको आन्दोलनका कार्यमक्रमहरु फिर्ता लिएको हो । वार्तामा सरकारका तर्फबाट टोपबहादुर रायमाझी, सूर्यमान गुरुङ र राधा ज्ञवाली सहभागी थिए भने समितिका तर्फबाट थारु चन्द्रकुमार चौधरी, रामचरण चौधरी, उपेन्द्र गच्छदार सहभागी थिए ।

प्रतिक्रिया
सम्बन्धित खवर

काठमाडौं । जनता समाजवादी पार्टी (जसपा) ले साउन १६ गते शनिबार संसदीय दलको नेताको चुनाव गर्ने भएको छ । विहीबार

काठमाडौँ । बझाङकी हेवन उपाध्याय ‘खामोशी विथ लाइफ’को अन्तर्राष्ट्रिय विजेता बनेकी छिन् । बहिरा व्यक्तिहरूको सीप, क्षमता र कौशलता प्रदर्शन

चितवन- नयाँ पर्यटकीय गन्तव्यका रूपमा चिनिएको सिन्ती झरना आन्तरिक पर्यटकीय गन्तव्य बन्दै गइरहेको छ । चितवनको कालिका नगरपालिका-९ मा रहेको

लण्डन । बेलायतमा लामो समयदेखि बस्दै आउनुभएकी कवयित्री प्रतिभा केसी यस वर्ष अनेसास सुप्रमा इप्रमा पुरस्कारबाट सम्मानित हुनुभएको छ ।