संविधानको तेह्रौँ संशोधन विधेयक दर्ता

१० जेष्ठ २०६९, बुधबार ०८:४१ मा प्रकाशित

काठमाडौ, १० जेठ । सरकारले संविधानसभाको समयावधि तीन महिना थप गर्न अन्तरिम संविधान, २०६३ को तेह्रौँ संशोधनका लागि व्यवस्थापिका–संसदमा विधेयक दर्ता गराएको छ । शान्ति प्रक्रिया टुङ्गोमा पुगेको र संविधान निर्माणका सम्बन्धमा उठेका विवादित विषयहरू दलीय सहमति भई उल्लेख्य उपलब्धि हासिल गरिसकेको भएता पनि संविधान निर्माणको केही विषय टुङ्गोमा पु¥याउन बाँकी रहेको र संविधानसभाको कार्यकाल समाप्त हुन लागेकाले संविधानसभाको कार्यकाल केही समय थप गर्नुपरेको जनाउँदै म्याद थपका लागि विधेयक दर्ता गराइएको सरकारको भनाइ छ । उपप्रधानमन्त्री एवम् कानुन तथा न्यायमन्त्री कृष्णप्रसाद सिटौलाका तर्फबाट मन्त्रालयका उपसचिव वासुदेव न्यौपानेले व्यवस्थापिका–संसद सचिवालयमा हिजो राति ८ बजे संविधान संशोधन विधेयक दर्ता गराउनुभएको हो । यसअघि मन्त्रिपरिषद्को हिजो साँझ बसेको बैठकले संविधानको तेह्रौँ संशोधन विधेयक व्यवस्थापिका–संसदमा दर्ता गर्ने निर्णय गरेको थियो । यो संशोधन सँगसँगै संविधानसभाको कार्यकाल अब चार वर्ष तीन महिना कायम हुने भएको छ ।

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार