माओवादी र मधेसी मोर्चा सहमति नजुटे मतदान प्रक्रियामा जाने

९ जेष्ठ २०६९, मंगलवार १५:२० मा प्रकाशित

काठमाडौ, ९ जेठ । एकीकृत नेकपा माओवादी र संयुक्त लोकतान्त्रिक मधेसी मोर्चाबीच राज्यको पुनःसंरचना र शासकीय स्वरुपलगायत संविधानका विवादित विषयहरुलाई सहमति नभएमा संविधानसभामा निर्वाचनको प्रक्रियाद्वारा समाधान गर्ने सहमति भएको छ । आज बिहान माओवादीको अध्यक्ष प्रचण्डको निवासमा भएको माओवादी र मोर्चाका शीर्ष नेताको छलफलमा सो सहमति भएको हो । गत जेठ २ गते एमाओवादी, नेपाली काङ्ग्रेस, नेकपा (एमाले) र मोर्चाबीच सहमति भएको भनिएका शासकीय स्वरुप र राज्यको पुनःसंरचनाका विषयमा दलहरुबीच पुनः विवाद देखिएको छ । विवादित विषयलाई संविधानसभाबाट निर्वाचनका प्रक्रियबाट टुङ्ग्याउने सहमति भएको एमाओवादीका उपाध्यक्ष नारायणकाजी श्रेष्ठले जानकारी दिनुभयो । उहाँले दलहरुबीचमा अझै सहमतिको प्रयास गर्ने, वार्ता र छलफललाई जारी राख्ने सम्बन्धमा एमाओवादी र मोर्चाबीच सहमति भएको बताउनुभयो । यसैगरी, सद्भावना पार्टीका सहअध्यक्ष लक्ष्मणलाल कर्णले दलहरुबीच सहमति गर्ने अन्तिम प्रयास गर्दा सहमति जुट्न नसके प्रक्रियामार्फत अगाडि बढ्ने जानकारी दिनुभयो ।

प्रतिक्रिया
सम्बन्धित खवर

काठमाडौँ। पछिल्लो २४ घण्टामा ९,१९६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १९ हजार ९८७

काठमाडौँ । कोरोना संक्रमण परीक्षणका लागि आज प्रधानमन्त्री केपी शर्मा ओलीको स्वाब संकलन गरिएको छ । आज बालुवाटारमा प्रधानमन्त्री, उनका

काठमाडौं । प्रधानमन्त्री केपी शर्मा ओलीले संवैधानिक परिषद्को बैठक बोलाएका छन् । प्रधानमन्त्री ओलीले आइतबार बस्नेगरी बैठक बोलाएका हुन् ।

काठमाडौं । नेकपा एमालेको वरिष्ठ नेता माधव कुमार नेपालले ओलीसँग कुनै सहमति नभएको जानकारी दिएका छन् । उनले सामाजिक सञ्जाल