प्रचण्डसँग छलफल गरेर राष्ट्रपतिलाई व्रिफिङ गर्न प्रधानमन्त्री जाँदै

काठमाडौ, ९ जेठ । प्रधानन्त्री डा बाबुराम भट्टराईले आज पनि राष्ट्रपति डा रामबरण यादवसँग भेटवार्ता गर्दै हुनुहुन्छ । अहिले केहीबेरमा शीतलनिवासमा हुने भेटमा यही जेठ १४ मा संविधान जारी गर्ने सम्भावना कमजोरबन्दै गएपछि जेठ १४ अघि र पछिको अवस्थाको बारेमा प्रधानमन्त्री र राष्ट्रपतिबीच छलफल हुन थालेको प्रधानमन्त्री निकट स्रोतले जनाएको छ । हिजोको भेटमा राष्ट्रपतिले जेठ १४ मा जसरी पनि संविधान जारी गर्ने वातावरण मिलाउन प्रधानमन्त्रीसहित प्रमुख तीन दल र मधेसी मोर्चाका शीर्ष नेताहरुलाई आग्रह गर्नु भएको थियो । राष्ट्रपतिसँगको भेटमा उठाउने विषयको बारेमा प्रधानमन्त्री भट्टराई र माओवादी अध्यक्ष प्रचण्डबीच अहिले छलफल भइरहेको बुझिएको छ ।