तीन जिल्लामा आकस्मिक खाद्य सुरक्षा कार्याक्रम लागु हुने

८ जेष्ठ २०६९, सोमबार ०९:२१ मा प्रकाशित

काठमाडौ, ८ जेठ । मध्यपश्चिमका ३ ओटा पहाडी जिल्लामा आकस्मिक खाद्य सुरक्षा कार्यक्रम लागु हुने भएको छ । गत बर्षको प्राकृतिक प्रकोपका कारण खाद्यान्न बाली न्युन उत्पादन भएका र उच्च खाद्य असुरक्षित जाजरकोट , रुकुम र सल्यान जिल्लाका केही गाविसमा उक्त कार्याक्रम लागु हुने भएको हो । कृषि मन्त्रालय केन्दिय आपतकालिन उद्धार कोष र एफ ए ओ को सहयोगमा सरकारले यही जुन देखी डिसेम्वर सम्मका लागी भोकमरी पिडित कृषकहरु विउ विजन र तरकारी खेतीमा आवश्यक सहयोग गर्ने कार्यक्रमका प्रमुख डा. मीननाथ पौडेलले जानकारी दिनुभयो । कार्यक्रमले  ३ जिल्लाका १५ हजार घरधुरीलाई गहुँको वीउ र तरकारी खेतीमा सहयोग गरी खाद्यान्न उत्पादनमा बृद्धि गर्ने उद्देश्य राखेका छौ प्रमुख पौडेलले भन्नुभयो ।
यसैबीच जिल्ला खाद्य सुरक्षा अनुगमण सञ्जालको बैठकले कार्याक्रम लागु गर्न जाजरकोटका ९ ओटा गाविस छनौट गरेको छ । जिल्ला कृषि विकास कार्यालयका अनुसार जिल्लाका रग्दा, भगवति, नायकवाडा , रोकायगाँउ , अर्छानी , टालेगाँउ , पजारु , मजकोट र जगतिपुर गाविसमा आउदो पुस महिना सम्मका लागी कार्याक्रम संचालन हुने छ । करीव ७ महिना सम्म लागु हुुने कार्याक्रमबाट उन्नत वीउ उत्पादन र खाद्यन्न उत्पादनमा बृद्धि गरि भोकमरी न्युनिकरण गर्ने कार्यक्रमको उद्देश्य रहेको छ । यसको लागी करीव ४ करोड रुपैया लगानी गरिने प्रमुख पौडेलले बताउनुभयो ।

प्रतिक्रिया
सम्बन्धित खवर

काठमाडौं । चालु आर्थिक वर्षमा नेपालको आर्थिक वृद्धिदर ३.९८ प्रतिशत हुने केन्द्रीय तथ्यांक विभागको प्रारम्भिक अनुमान छ । चालु आर्थिक

नक्कली मूल्य अभिवृद्धि कर (भ्याट) बिल प्रयोग गरी राजस्व छलेका अभियोगमा राजस्व अनुसन्धान विभागले १३ फर्मसहित १६ जनाविरुद्ध मुद्दा दायर

कृष्णपुर नगरपालिका–६ बालुवाफाँटामा स्वदेशी कच्चा पदार्थमा आधारित रासायनिक मल काराखाना सञ्चालन गरिने भएको छ । निजी क्षेत्रको रु १३ करोड

म्याग्दी । मुस्ताङलाई राष्ट्रिय राजमार्गसँग जोड्ने बेनी-जोमसोम सडक दैनिक नौ घण्टा बन्द हुन थालेको छ । विस्फोटक पदार्थको प्रयोग गरेर