विवादित विषयमा सहमति खोज्न प्रमुख दलहरुको बैठक आज बस्ने

८ जेष्ठ २०६९, सोमबार ०९:०२ मा प्रकाशित

काठमाडौ, ८ जेठ । संघीय राज्य लगायत अन्य विवादित विषयमा छलफल गर्न प्रमुख दलका शीर्ष नेताहरुको बैठक आज बस्ने भएको छ । आज हुने छलफलमा संघीय राज्यको सङ्ख्या, शासकीय स्वरुपमा शक्ति बाँडफाँड एवम् नागरिकताका विषयमा छलफल हुने एक नेताले जानकारी दिएका छन् । जेठ १४ पछिको अवस्थाको बारेमा समेत दलहरुले छलफल सुरु गर्ने बताइएको छ । राज्य पुनर्संरचना गर्दा ११ प्रदेश बनाउने जेठ २ गते राति सहमति भएको भए पनि एकीकृत माओवादी र सरकारले ११ प्रदेश बनाउने सहमतिलाई प्रारम्भीक रहेको भनेपछि दलहरुबीचको दुरी बढेको छ । मधेसवादी दल, आदिवासी र जनजातिहरुको विरोधपछि प्रधानमन्त्री डा बाबुराम भट्टराईले गएको शुक्रबार संसदको बैठकमा दलहरुबीच भएको सहमति अन्तिम नभएको बताएपछि अवरुद्व व्यवस्थापिका संसदको बैठक सुचारु एको थियो । सत्ताधारी दलहरु नेपाली काङ्ग्रेस र नेकपा एमालेले भने सहमतिबाट माओवादी पछि हटेकोभन्दै असन्तुष्टि जनाउँदै आएका छन् । आजको प्रमुख दलहरुको बैठकमा संघीय राज्यको संख्या र सीमाङकनको बारेमा पनि छलफल हुनेछ । हिजो बस्ने भनिएको प्रमुख दलहरुको बैठक आदिवासी जनजातिहरुको बन्दका कारण स्थगित भएको थियो ।

प्रतिक्रिया
सम्बन्धित खवर

काठमाडौँ । केटोन्जी ब्राउन ज्याक्सन अमेरिकी सर्वोच्च अदालतको पहिलो अश्वेत महिला न्यायाधीश बनेकी छन् । उनले गएराती राति पद तथा

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जनता समाजवादी पार्टीका संघीय परिषद अध्यक्ष डा. बाबुराम भट्टराईबीच भेटवार्ता

काठमाडौं । नेपाली कांग्रेसका पूर्वसहमहामन्त्री अर्जुननरसिंह केसी अस्पतालबाट डिस्चार्ज भएका छन् । असार १३ गते काठमाडौंको ह्याम्स अस्पतालमा भर्ना भएका

बागलुङ । वर्षाका बेला बागलुङवासीले धारोमा पानी आउछ कि आउँदैन भनेर आकाशतर्फ फर्केर निक्यौल गर्ने गर्छन् । वर्षातको समयमा बागलुङमा