प्रधानमन्त्रीद्वारा मन्त्रीहरूको कार्यविभाजन

६ जेष्ठ २०६९, शनिबार १०:३७ मा प्रकाशित

काठमाडौ, ६ जेठ । प्रधानमन्त्री डा. बाबुराम भट्टराईले हिजो मन्त्रिपरिषद्का सदस्यहरूको कार्यविभाजन गर्नुभएको छ । नेपाल सरकार कार्यविभाजन नियमावली २०६९ अनुसार २७ वटा मन्त्रालय कायम राखेर प्रधानमन्त्रीले २० सदस्यीय मन्त्रिपरिषद्को कार्यविभाजन गर्नुभएको हो । नयाँ कार्य विभाजनअनुसार विजयकुमार गच्छदार उपप्रधानमन्त्री तथा गृह, नारायणकाजी श्रेष्ठ उपप्रधानमन्त्री, कृष्णप्रसाद सिटौला उप्रधानमन्त्री, रक्षा, कानुन, न्याय, संविधानसभा तथा संसदीय मामिला, ईश्वर पोखरेल उपप्रधानमन्त्री, परराष्ट्र, कृषि, युवा तथा खेलकुद रहनुभएको छ । यसैगरी हृदयेश त्रिपाठीलाई भौतिक योजना, निर्माण तता यातायात, पोस्टबहादुर बोगटीलाई संस्कृति, पर्यटन तथा नागरिक उड्डयन, टोपबहादुर रायमाझीलाई शान्ति तथा पुनर्निर्माण, राजेन्द्र महतोलाई स्वास्थ्य तथा जनसङ्ख्याको जिम्मेवारी दिइएको छ । नयाँ मन्त्रीमण्डलमा वर्षमान पुनले यसअघिकै अर्थ र दीनानाथ शर्माले शिक्षा मन्त्रालयको जिम्मेवारी पाउनुभएको छ भने राजकिशोर यादवलाई सूचना तथा सन्चार मन्त्रालयकै जिम्मेवारी दिइएको छ । यसैगरी, महेन्द्रप्रसाद यादव सिंचाई, अनिलकुमार झा उद्योग, सूर्यमान गुरुङ सङ्घीय मामिला तथा स्थानीय विकास र सामान्य, परशुराम खापुङ वाणिज्य तथा आपूर्ति, राधा ज्ञवाली ऊर्जा, चन्द्रदेव जोशी भूमिसुधार तथा व्यवस्था, डा. केशवमान शाक्य वातावरण विज्ञान तथा प्रविधि, र एकनाथ ढकाल सहकारी तथा गरिबी निवारण रहनुभएको छ । दुई वटा मन्त्रालयलाई अन्य मन्त्रालयमा गाभिएको छ भने दुई वटा नयाँ मन्त्रालय स्थापना गरिएको छ । संविधानसभामा रहेका ३३ राजनीतिक दलमध्ये भट्टराई नेतृत्वको सरकारमा १३ वटा दल सहभागी छन् ।

प्रतिक्रिया
सम्बन्धित खवर

काठमाडौँ । नेपालमा पछिल्लो चौबीस घण्टामा थप ३ हजार ३८३ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार १०

काठमाडौं । सरकारले नेपाल विद्युत् प्राधिकरणको कार्याकारी निर्देशकमा कुलमान घिसिङलाई फेरि ल्याउने तयारी गरेको छ । पछिल्लो समय विद्युत आपुर्तिमा

काठमाडौं । निर्वाचन आयोगले विभिन्न ४१ वटा राजनीतिक दलको दर्ता खारेज गरेको छ । आयोगले खारेज भएका प्रत्येक राजनीतिक दललाई

रुपन्देही । लुम्बिनी प्रदेशमा विपक्षी गठबन्धनले मुख्यमन्त्री शंकर पोखरेलविरुद्ध अविश्वासको प्रस्ताव दर्ता गरेको छ । विपक्षी नेपाली कांग्रेस, माओवादी केन्द्र,