जाजरकोटका दुई सय १४ विद्यालय भवन मर्मत

२१ असार २०७१, शनिबार १२:१० मा प्रकाशित

जाजरकोट, २१ असार । जिल्ला शिक्षा कार्यालय जाजरकोटको भौतिक सुविधा निर्माण तथा विद्यालय क्षेत्र सुधार कार्यक्रमअन्तर्गत २ सय १४ वटा विद्यालय भवण निर्माण गरिएका छन् ।

जिल्लाका विभिन्न गाउँ विकास समितिमा रहेका विद्यालय भवनको आवश्यकता मागको आधारमा यी विद्यालय भवनहरु निर्माण गरिएको जिल्ला शिक्षा कार्यालय जाजरकोटका विद्यालय निरीक्षक यज्ञश्वर खत्रीले बताए ।

चारकोठे भवन १० वटाका लागि एक करोड २० लाख, छ वटा विद्यालयमा विशेष मर्मत ३० लाखमा सम्पन्न गरिएको छ । ३६ वटा विद्यालयमा दुई करोड ९६ लाख, २९ वटा छात्रा शौचालय ७२ लाख ५० हजार त्यसैगरी ४४ वटा विद्यालयको बाह्य वातावरण निर्माण एक करोड १० लाखमा र ८८ वटा विद्यालयमा ८८ लाखमा विद्यालय भवन मर्मत गरिएको खत्रीले बताए ।

यी विद्यालय भवन निर्माण कार्य सम्पन्न भएपछि जिल्लाको ६० प्रतिशत विद्यालय भवनको समस्या समाधान भएको जिल्ला शिक्षा कार्यालयले बताएको छ ।

जिल्लाका अधिकांश ठाउँमा विद्यार्थी अनुपातमा विद्यालय भवनहरु आर्थिक अभावका कारण निर्माण गर्न नसकिएको समेत बताइएको छ । जिल्लामा अझै ४० प्रतिशत विद्यालय कक्षा कोठाको अभावमा विद्यार्थीलाई खुल्ला चौर र भुईंमा राखेर पठनपाठन गराइरहेको जिल्ला शिक्षा कार्यालयले जनाएको छ ।

विद्यार्थी अनुपातमा शिक्षक नहुँदा निजी स्रोतबाट राखिएका शिक्षकलाई तलब खुवाउँदा स्थानीयस्तरबाट विद्यालयको भवन निर्माण गर्न स्थानीय जनताले नसकेको कार्यालयले बताएको छ ।

गाविस, इलाका, हुँदै जिल्लामा बढी समस्याग्रस्त भएका विद्यालयको मात्र जानकारी बढी आउने हँुदा समस्यालाई पहिचान गरेरमात्र प्राथमिकतामा पर्ने गरेको शिक्षा कार्यालयको भनाइ रहेको छ । अहिले जिल्लाका विभिन्न ठाउँमा २ सय १४ वटा विद्यालय निर्माण भए पनि डेस्क बेन्चलगायतका भौतिक सामग्रीको अभावमा प्रयोग गर्न समस्या भएको विद्यालयले बताएका छन् ।

बर्सेनि विद्यालय भवन मर्मत, निर्माण हुने गरे तापनि प्रयोग गर्दा डेस्क बेन्चको अभावमा भौँतारिने गरेको पञ्च भयार माविका प्रधानाध्यापक होमप्रकाश सिंहले बताए । विद्यालय निर्माण भए पनि बालमैत्री बन्न नसक्दा समस्या उत्पन्न हुने गरेको छ । अधिकांश विद्यालय निर्माण भए पनि शौचालय नहुँदा समस्या हुने गरेको छ ।

प्रतिक्रिया
सम्बन्धित खवर

मानव अधिकार तथा शान्ति समाजको केन्द्रीय कार्यसमितिको सभापतिमा रुपन्देहीका गोविन्द खनाल निर्विरोध निर्वाचित हुनुभएको छ । शान्ति समाजको यही फागुन

चितवनको रामपुरस्थित एक फर्निचर उद्योगमा शुक्रबार राति आगलागी भएको छ । भरतपुर महानगरपालिका–१९ रामपुरस्थित मधु सापकोटाको अनुपम फर्निचर उद्योगमा आगलागी

कोरोनाको त्रास कायमै रहेका बेला यस वर्षको महाशिवरात्रि पर्व मनाउन पशुपति क्षेत्र विकास कोषले ११ वटा समिति गठन गरेको छ

काठमाडौँ । पर्यटन विकास आयोजना वागमती प्रदेश हेटौडा, मकवानपुरका सव–इन्जिनियर नेत्रप्रसाद लामिछाने ५० हजार रुपैयाँ घुससहित पक्राउ परेका छन् ।