सहमतिको मस्यौदालाई उपसमितिले आज अन्तिम रुप दिने

४ जेष्ठ २०६९, बिहीबार ०९:०५ मा प्रकाशित

काठमाडौ, ४ जेठ । भावी संविधानको विवादित विषयबारे तयार पारिएको सहमतिको मस्यौदालाई विवाद समाधान उपसमितिले आज अन्तिम रुप दिने भएको छ । विवादित विषयमा सहमतिको प्रस्ताव तयार गर्न अस्ति बसेको दलहरुको बैठकलले सात सदस्यीय कार्यदल गठन गरेको थियो । उपसमितिअन्तर्गतको कार्यदलले विवादित सबै विषयहरुमा सहमति कायम गर्न नसकेपछि सहमति भएका विषयहरुमा मात्रै मस्यौदा तयार पारेर हिजो उपसमितिलाई बुझाएको थियो । कार्यदलले तयार पारेको सहमतिको मस्यौदालाई अन्तिम रुप दिन र सहमति नभएका विषयको बारेमा छलफल गर्न विवाद समाधान उपसमितिको बैठक दिउँसो १ बजेपछि सिंहदरवारमा बस्नेछ । नेपाली काङ्ग्रेस उपसभापति रामचन्द्र पौडेलले कार्यदलले तयार पारेको सहमतिको मस्यौदालाई परिमार्जनसहित आजको उपसमितिको बैठकले पारित गर्ने बताउनुभयो । सङ्घीय संरचना, स्थानीय सरकारको स्वरुपलगायतका विषयमा कार्यदलमा सहमति जुट्न नसकेपछि ती विषय उपसमितिले नै निर्णय गर्ने गरी फिर्ता भएका छन् । १ सय १७ वटा विवादित विषयहरुमा सहमतिको प्रस्ताव तयार पार्ने जिम्मा कार्यदललाई दिइएको थियो । नागरिकता, अल्पसङ्ख्यकलाई अधिकार दिने लगायतका विषयहरुमा सहमति जुटाउन कार्यदल असफल भएको छ भने राष्ट्रपति र प्रधानमन्त्रीमा कार्यकारी अधिकार बाँडफाँड गर्नेबारे सहमति हुन नसकेपछि कार्यदलले यसबारेमा सुझाव मात्रै पेश गरेकोछ ।

प्रतिक्रिया
सम्बन्धित खवर

काठमाडौँ । नेपालमा पछिल्लो चौबीस घण्टामा थप ३ हजार ३८३ जनामा कोरोना संक्रमण पुष्टि भएको छ। स्वास्थ्य मन्त्रालयका अनुसार १०

काठमाडौं । सरकारले नेपाल विद्युत् प्राधिकरणको कार्याकारी निर्देशकमा कुलमान घिसिङलाई फेरि ल्याउने तयारी गरेको छ । पछिल्लो समय विद्युत आपुर्तिमा

काठमाडौं । निर्वाचन आयोगले विभिन्न ४१ वटा राजनीतिक दलको दर्ता खारेज गरेको छ । आयोगले खारेज भएका प्रत्येक राजनीतिक दललाई

काठमाडौँ । पछिल्लो समय राष्ट्रिय ट्रमा सेन्टरमा उपचार गर्न आउने बिरामी बढेका छन् । दुई महिनाअघि यस अस्पतालको बहिरङ्ग सेवामा