जनजाति महासंघले शीर्ष नेताको पुतला जलाउन खोज्दा प्रहरी हस्तक्षेप, दर्जनौँ घाइते

३ जेष्ठ २०६९, बुधबार २२:१५ मा प्रकाशित

सरिता गुरुङ, काठमाडौ, ३ जेठ । मधेसी मोर्चा सहित प्रमुख तीन दलबीच  हिजो भएको सहमतिको बिरोधमा नेपाल आदिवासी जनजाति महासंघले राजधानीको गौशालामा दलका शीर्ष नेताहरुको पुतला जलाउन खोज्दा प्रहरीले हस्तक्षेप गरेको छ । प्रहरीले गरेको हस्तक्षेपमा सभासद् र दर्जनौँ प्रदर्शनकारी घाइते भएको नेपाल आदिवासी जनजाति महासंघले जनाएको छ । हिजो भएको सहमतिको विरोधका क्रममा नयाँ बानेश्वरमा सभापछी आयोजित विरोध जुलुसले गौशालामा दलका शीर्ष नेताहरुको पुत्ला जलाउने कार्यक्रम राखेको थियो ।  महासंघका अनुसार प्रहरी हस्तक्षेपका कारण सभासद् आङदावा शेर्पा, नेपाल आदिवासी जनजाति महासंघकी उपाध्यक्ष इन्दिरा जिमी याखा, थारु कल्याणकारिणी सभाका कोषाध्यक्ष डम्बरप्रसाद चौधरी, तमु ह्युल छोँझ धीका महासचिव रेशम गुरुङ घाइते छन्। त्यसैगरी विद्यार्थी महासंघका धीरेन्द्र राई, माधव दर्लामी मगर, पे्रम लिम्बू, निरज चौधरी, पुष्कर चौधरी, नवाङफुरी शेर्पा, भाइ किराँती लागयतका प्रदर्शनकारीहरु घाइते भएका छन् । नेपाल आदिवासी जनजाति महासंघका अनुसार प्रहरी हस्तक्षेपमा घाइते भएका सभासद शेर्पाको ओम अस्पतालमा उपचार भइरहेको छ । महासंघका अनुसार दर्जनौ प्रदर्शनकारीलाई गिरफ्तार गरिएको र आजको दमनको विरोधमा भोलि देशब्यापी विरोध सभा गर्ने कार्यक्रम रहेको छ ।

 

प्रतिक्रिया
सम्बन्धित खवर

केदार मगर, खोटाङ । साकेला गाउँपालिका–५ मात्तिमविर्तालाई केन्द्रविन्दु बनाएर आइतबार गएको भूकम्पले हालसम्म जिल्लाभर दुई विद्यालय भवन, एक प्रहरी चौकी

म्याग्दी । म्याग्दीका पौढ महिलाहरूले बुढ्यौलीमा माध्यमिक शिक्षा परीक्षा (एसइई) उत्तीर्ण गरेर पढाइलाई उमेरले नछेक्ने भनाइलाई चरितार्थ गर्नुभएको छ ।

नवलपुर । पूर्वपश्चिम राजमार्गअन्तर्गत नवलपरासी (बर्दघाट–सुस्तापूर्व)को दाउन्नेमा यात्रुबाहक बसमा आगलागी हुँदा ३३ यात्रु घाइते भएका छन् । आज बिहान साढे

काठमाडौं । जापानका पूर्वप्रधानमन्त्री सिन्जो आबेमाथि शुक्रबार बिहान नारा सहरमा आक्रमण भएको छ । सभालाई सम्बोधन गर्ने क्रममा उनीमाथि गोली प्रहार