न्यूयोर्कमा आदिवासी जनजाती उत्थान राष्ट्रिय प्रतिष्ठानका उपाध्यक्षसंग अन्तरक्रिया सम्पन्न

३ जेष्ठ २०६९, बुधबार १८:५८ मा प्रकाशित

मान बहादुर रानामगर, न्यूयोर्क । न्यूयोर्कमा गत मे १३ तारिखको दिन आदिवासी जनजाती महासंघ उत्थान राष्ट्रिय प्रतिष्ठानका उपाध्यक्ष झक बहादुर मगरको विशेष आतिथ्यमा एक अन्तरक्रियात्मक कार्यक्रमको आयोजना सम्पन्न भयो । नेपाल आदिवासी जनजाती महासंघ अमेरिका (फिपना) को आयोजनामा सम्पन्न भएको उक्त अन्तरक्रियात्मक कार्यक्रम फिपनाका कार्यबाहक अध्यक्ष बिनोद पोमोको अध्यक्षतामा सम्पन्न भएको थियो । कार्यक्रममा विभिन्न संघ संस्थाका प्रतिनिधिहरुको उल्लेख्य उपस्थिति रहेको थियो ।

कार्यक्रममा बोल्दै उपाध्यक्ष मगरले बन्न लागेको संबिधानमा आदिवासी जन-जातिहरुको अधिकार सुनिश्चितता पार्न विगतका दिनहरुमा नेपालमा जनचेतना र जागरणको कार्यक्रमहरु संचालन गरिएको र अबको यो अन्तिम घडीमा जनचेतना र आन्दोलनलाईसंगै लैजानु पर्ने अबस्था आएको दर्शाए । साथै उनले नेपालमा भईरहेको आदिवासी जन-जातिहरुको आन्दोलन प्रति समर्थन जनाउदै अमेरिकामा बसोबास गर्ने सम्पूर्ण आदिवासीहरुले पनि नैतिक, भौतिक र बौद्धिक रुपमा प्रेस बिज्ञप्ति, ज्ञापन पत्र तथा लेख रचनाहरु बात दबाब सिर्जना गर्नु सुझाए । सोहि कार्यक्रममा उनले नेपालमा भैरहेको आन्दोलनलाई प्रभावकारी बनाउन आर्थिक सहयोगको समेत गर्न आव्हान आव्हान गरेका थिए । उनले नेपाल भन्दा भौगोलिक रुपमा सानो रजनसंख्या समेत कम भएको थुप्रै संघिय संरचना भएका देशहरु बिकास र उन्नति शिखर चढिसकेको उदाहरण प्रस्तुत गर्दै नेपालमा संघियताको माग गर्दा देश टुक्रन्छ भनि बिरोधि कार्यक्रम गर्नु निराधार र अबैज्ञानिक रहेको जिकिर गरे ।
एक अर्को प्रसंगमा प्रतिष्ठानको सिमित बजेटले सम्पूर्ण जनजातिहरुको संघ सस्था र एन जी ओ हरुको कार्यक्रमहरु हेरी सानो सानो रकम मात्र वितरण गर्न सकिने अबस्था रहेको र त्यसमा पनि देश भरिको आदिवासी जन-जाति बिधार्थीहरु लाई छात्र बृति पनि दिनु पर्ने भएकोले प्रतिष्ठानको स्थिति कुप्री बुढीको जस्तो बसी खानु न उठी खानु रहेको यथार्थ चित्रण गरे । कार्यक्रम आदिवासी जनजाती महासंघ, अमेरिका फिपनाका महासचिव दिपेश लिम्बुले संचालन गरेका थिए भने कार्यक्रममा संस्थाका कोषाध्यक्ष टिका गुरुङले स्वागत मन्तव्य राखेका थिए ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी