इराकमा ४० भारतीय नागरिकको अवस्था अज्ञात

४ असार २०७१, बुधबार १५:१४ मा प्रकाशित

नयाँ दिल्ली, ४ असार । भारतका ४० जना नागरिकलाई इराकी द्वन्द्वग्रस्त सहर मोसुलबाट अपहरण गरिएको छ ।
इराकी उत्तरी सहर मोसुललाई आफ्नो नियन्त्रणमा लिने क्रममा ती नागरिकलाई अपहरण गरिएको हो । उनीहरुको अवस्था बुधबारसम्म पनि अज्ञात नै रहेको जनाइएको छ ।
मोसुलबाट अपहरित ती व्यक्ति इराकको निर्माण क्षेत्रमा कार्यरत मजदुर हुन् ।समाचारको पुष्टिगर्दै भारतीय विदेश मन्त्रालयले उनीहरुको खोजीका लागि कूटनीतिक प्रयास जारी राखिएको जनाएको छ ।
भारतीय विदेश मन्त्रालयले दिएको जानकारीअनुसार ती कामदारलाई हाल मोसुल सहर कब्जा गरेका इराकी विद्रोहीहरुले अपहरण गरेका हुन् ।
हाम्रा कयौं कूटनीतिक प्रयासका बाबजुद पनि हामी उनीहरुलाई सम्पर्कमा ल्याउन सकिरहेका छैनौँ र उनीहरुको अवस्था पनि अज्ञात नै रहेको छ– विदेश मन्त्रालयका प्रवक्ता सयीद अकबरुद्दिनले बताए ।
उनले ती व्यक्ति किन र कसले अपहरण गरेको हो भन्ने बारेमा पनि केही बताउन सक्ने अवस्था नरहेको पनि बताए ।
भारतले आफ्नो विदेश मन्त्रालयमा ती व्यक्तिको सूचना पाएमा खबर गर्नभन्दै एक कार्यालय स्थापना गरेको छ । तर बुधबार बिहानसम्म त्यस बारेमा कुनै सूचना नआएको बताइएको छ ।
त्यसैगरी इराकमा जारी रहेको द्वन्द्वको अवस्थाको अध्ययनका साथै अपहरित आफ्ना कामदारको बारेमा सूचना प्राप्त गर्नका लागि भन्दै भारतीय विदेश मन्त्रालयले एकजना दूत इराक पठाएको छ ।
इराकी राजधानी बग्दाददेखि ४०० किलोमिटर उत्तरमा पर्ने मोसुल सशस्त्र आतङ्ककारी समूहले नियन्त्रणमा लिएका छन् । त्यसपछि पनि अन्य दुई सहर उनीहरुको नियन्त्रणमा गइसकेका छन् ।
मोसुलमा प्रान्तीय राजधानी निनवेहका सुन्नी समूदायसँग आबद्ध आतङ्ककारीको बलियो प्रभाव रहेको बताइन्छ । सो सहरमा विगतमा पनि समय समयमा सुरक्षाकर्मी र विद्रोहीबीच झडप हुने गर्दथ्यो ।
इराकमा विद्रोह गरिरहेको इस्लामिक स्टेट अफ इराक एण्ड लिभेन्ट (आइएसआइएल) नामको जिहादी समूहले विगतदेखि त्यहाँ हत्या हिंसा मच्चाउँदै आएको छ ।
त्यसैगरी अर्काे एक समाचारअनुसार अमेरिकाले इराकमा सेना पठाउने भएको छ । उसले मङ्गलबार मात्र सो निर्णय गरेको हो ।
ती जिहादीहरुले केही समयमै इराकी राजधानी बग्दाद पनि कब्जा गर्ने जनाएका छन् । उनीहरुको सो योजना सम्भव नरहेको सरकारले जनाएको छ । एएफपी

प्रतिक्रिया
सम्बन्धित खवर

युरोपेली संघ ‘ईयू’ मा कोरोना भाइरस ‘भ्याक्सिनेसन पासपोर्ट’ अर्थात खोप राहदानीको प्रयोग गर्ने तयारी थालिएको छ । ग्रीस र अस्ट्रियाले

मस्को । रुसी राष्ट्रपति भ्लादिमिर पुटिनका विरोधी तथा भ्रष्टाचार विरोधी विपक्षी नेता एलेक्सी नाभाल्नीलाई अज्ञात ठाउँमा लगिएको छ । उनलाई

एजेन्सी । टर्कीको एक अदालतले दुई जना पाइलट र एक निजी विमान सञ्चालकलाई जेल चलान गरेको छ । सन् २०१९

म्यानमारको दोस्रो सबैभन्दा ठूलो शहरमा सुरक्षाकर्मीद्वारा चलाएको गोली लागी कम्तीमा दुई जनाको मृत्यु भएको छ । म्यानमारको सङ्कट व्यवस्थापन अधिकारीले