एन बी ए युकेद्धारा कानुनी परामर्श सम्पन्न

१ जेष्ठ २०६९, सोमबार १८:३९ मा प्रकाशित

धर्मराज अधिकारी, बेलायत । नेपलीज बिजनेस एशोसियसन युकेले बेलायतमा विभिन्न व्यवसाय गरेका नेपाली व्यवसायीहरुबीच कानुनी जटिलताका बारेमा अन्र्तक्रिया गरेको छ । आइतबार इल्थामस्थित याक एण्ड यतीमा सम्पन्न अन्तक्रिर्यामा सहभागि व्यवसायीहरुले व्यवसायी र कामदारबीचको सम्बन्ध तथा कानुनी अड्चनका बारेमा परामर्श गरेका थिए ।
एन बी ए युकेका अध्यक्ष नरेन्द्र कंडेलको सभापतित्वमा सम्पन्न कार्यक्रममा बोल्दै कानुनविद् दिपक भट्टराईले व्यवसायीहरुले टीयर टु अन्र्तगत कर्मचारी ल्याउंदा अपनाउनुपर्ने साबधानीहरुका बारेमा जानकारी गराए । उनले पुरा समय काम गर्न पाउने मान्यताअनुरुप कर्मचारी ल्याउंदा उनीहरुले प्राप्त गर्ने आय, पांचबर्षपछि सेटल्मेण्टको सन्दर्भ तथा स्पोन्सरको कोटाका बारेमा पष्ट पारेका थिए ।
कार्यक्रममा बोल्दै अध्यक्ष नरेन्द्र कंडेलले विभिन्न व्यवसायमा संलग्न नेपालीहरुलाई उनीहरुको व्यवसायमा आइपर्न सक्ने कानुनी अड्चनका बारेमा जनाकारी गराउन कार्यक्रम आयोजना गरीएको बताए । कार्यक्रम व्यवसायमा सक्रिय नेपालीहरुलाई कानुनी कुराहरुको जानकारी गराउन महत्वपुर्ण भएको उनले जिकिर गरे । व्यवसायीले कर्मचारीका कारण भोग्नुपर्ने समस्या तथा क्षतिपुर्ती लगायतका विषयमा सहभागिहरुले विशेष चासो लिएका थिए । कर्मचारीहरुको होलिडे, विभिन्न भिषामा रहेका कर्मचारी राख्दा पुरा गर्नुपर्ने नियम लगायतका बारेमा व्यवसायीहरुले कानुनी परामर्श गरे ।
यसैबीच एन बी ए युकेलेे व्यवसायीहरुलाई लक्षित गरी आगामी जुनमा वाइन सम्बन्धि वर्कसप गर्ने बताएको छ ।
व्यारीष्टर आन्गुस ग्लगले व्यवसायीले कर्मचारीहरुलाई कामबाट निष्कासन गरेको अवस्थामा आइपर्नसक्ने कानुनी समस्याकाबारेमा जानकारी गराएका थिए ।
सो अवसरमा एन आर एन युकेका आइसीसी सदस्य एवं व्यवसायी राजेन कंडेल, एन बी ए युकेका सल्लाहकार बालजंग अर्याल, होम शर्मा, सदस्य दासुराम पाण्डे, इन्दिरा कंडेल, नेसाका अध्यक्ष केश बहादुर गुरुङ लगायत बेलायतका विभिन्न स्थानबाट दुई दर्जनबढि नेपाली व्यवसायीहरुको सहभागिता रहेको थियो ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी

आजको प्रमुख समाचार