दुतावासको एक बर्ष उपलब्धिमुलकः राजदुत डा. चालीसे

१ जेष्ठ २०६९, सोमबार १८:३८ मा प्रकाशित

धर्मराज अधिकारी, लण्डन । बेलायतका लागि नेपाली राजदुत डा. सुरेशचन्द्र चालीसेले गएको एक बर्षमा नेपाल- बेलायत सम्बन्ध उपलब्धि मुलक रहेको बताएका छन । सन् २०११ र १२ मा दुतावासले आर्थिक कुटनीतिक, बेलायती प्रधानमन्त्रीको नेपाल भ्रमण, नेपाली समुदायको शशक्तिकरण, नेपालको पर्यटन विकास लगायमा विशेष भुमिका निर्वाह गरेको बताए ।
आफुले केहि आलोचना खेपेपनि आफ्नो उदेश्य नेपाली र बेलायतीबीचको सम्बन्धलाई बलियो र प्रगाढ बनाउनु रहेको राजदुतले स्पष्ट पारे । राजदुत आउने भएपछि मेयर र मेम्बर अफ पार्लीयामेण्ट पनि खुशीकासाथ नेपालीहरुले बोलाएको कार्यक्रममा आउने गरेकोले नेपाली समुदायले बोलाउने धेरै कार्यक्रममा दुतावास सहभागि हुने गरेको उनले बताए ।
सन् २०१५ सम्ममा बेलायती प्रधानमन्त्रीले नेपाल भ्रमण गर्नेमा आफु विश्वस्त रहेको बताउंदै चालीसेले नेपाल बेलायत सम्बन्धको २०० बर्ष उपलब्धि मुलक हुन सक्ने औंल्याए । बेलायतबाट पहिलो पटक युकेटीआइको नेतृत्वका १३ वटा मफौला तथा ठुला कम्पनीको नेपाल भ्रमण गराउन आफु सफल रहेको उनले बताए । दुतावास आर्थिक पारदर्शीताको हिसाबमा अत्यान्तै सबल रहेको बताउंदै उनले कस्लुलरबाट दुतावासले संकलन गरेको रेभेन्यु पारदर्शी रुपमा प्रश्तुत गरेका थिए ।
सन् २०११ रु १२ मा नेपालको पर्यटन विकास, ट्रेड एण्ड कमर्श मिसन, नेपाली समुदायको सशक्तीकरण, नेपाल बेलायतको द्धिपक्षिय सम्बन्ध लगायतका विषयमा दुतावासले धेरै उपलब्धि हासील गरेको राजदुतले बताए ।
दुतावासकी कार्यालय सचिव प्रतिक्षा गुरुङ सञ्चालन गरेको कार्यक्रममा प्रशासनीक काउन्सीलर सुर्य थापाले स्वागत गरेका थिए ।
सो अवसरमा सहभागिहरुले राजदुत चालीसेसंग विभिन्न जिज्ञासाहरु राखेका थिए । जिज्ञासा मेटाउंदै राजदुत चालीसेले दुतावासमा एन आर एनको हेल्प डेक्स राख्ने सम्बन्धमा अनभिज्ञता प्रकट गरे । उनले आफुले एन आर एन बाट आधिकारीक पत्र नपाएको बताएका थिए भने एन आर एन श्रोतले पत्र दिइसकेको जनाएको छ ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी