“अश्लीलता” रोक्ने बोर्डको तयारी

१ जेष्ठ २०६९, सोमबार १७:५४ मा प्रकाशित

काठमाडौं : चलचित्र लुट र चपली हाइटको सफलतासँगै नेपालमा ‘अश्लील’ चलचित्रको निर्माणक्रम ह्वात्तै बढेकामा नेपाल चलचित्र विकास बोर्ड यसलाई नियन्त्रण गर्ने मनसायमा पुगेको छ । पछिल्लोचोटि दर्जनौं चलचित्र भरमार यौनदृश्य र छाडा संवादमा केन्द्रित हुँदै निर्माण हुन थालेपछि बोर्ड चनाखो हुन थालेको हो ।
‘चलचित्रको बजार नबुझी निर्माणमा हात हाल्ने र अश्लील चलचित्र निर्माण गर्ने प्रवृत्ति बढेकाले अब निर्माण अनुमति दिँदा नै कडाइ गरिने बोर्ड अध्यक्ष गणेश भण्डारीले जानकारी गराए । उनले भने– ‘चलचित्र दर्ताका लागि बोर्डमा आउने निर्माता–निर्देशकलाई पहिले परामर्श र गोप्य अध्ययनपछि मात्र अनुमति दिने व्यवस्था मिलाएका छाँैं ।’
उनका अनुसार यो व्यवस्थाले अश्लील सिनेमालाई निरुत्साहन तथा ‘सही’ चलचित्र निर्माण गर्ने अनुभवी निर्माता–निर्देशकलाई उत्साहित गर्नेछ । यो नियन्त्रणले सिनेमाको माग र निर्माणक्रममा पनि सन्तुलन ल्याउने विश्वास बोर्डले गरेको छ । बोर्डले अनुमति लिने क्रममा प्रस्तुत गरिने स्क्रिप्टअनुसार काम भए/नभएका बारे अनुगमनका लागि छुट्टै टोलीसमेत गठन गरिएको जानकारी गरायो । तर, उक्त टोलीमा को–को छन् भन्नेबारे भने बोर्डले गोप्य नै राखेको छ । बोर्डले ‘सामाजिक मर्यादाबाहिर रहेर निर्माण गरिएको चलचित्रलाई अश्लीलता’ को दायराभित्र राखेको छ ।

प्रतिक्रिया
सम्बन्धित खवर

काठमाडौं । चर्चित रियालिटी टिभी शो ‘बिग बोस’ मा देखिएकी एक अभिनेत्रीले बोल्डनेसमा बलिउडका ठूला अभिनेत्रीहरुलाई पछि पारेकी छिन् ।

काठमाडौं । नायिका नम्रता मल्ल अहिले इन्टरनेटमा निकै चर्चामा आएकी छिन् । ‘हट एण्ड सेक्सी’ अवतारमा उनी सामाजिक सञ्जालमा छरपष्ट

काठमाडौं । अन्य सामाजिक सञ्जालजस्तै नेपालमा इन्स्टाग्राम पनि निकै चर्चित छ । इन्स्टामा नेपालका प्रयोगकर्ता पनि धेरै रहेका छन् ।

काठमाडौं । फिल्म ‘पुष्पाः द राइज’ अभिनेत्री समान्था रुथ प्रभु भारतकै लोकप्रिय अभिनेत्री बनेकी छन् । उनले कैटरिना कैफ, आलिया