ठग्नेहरुका दिन गए इजरायलमा नर्स पठाएर

३१ बैशाख २०६९, आईतवार १५:५५ मा प्रकाशित

इजरायल रोजगारीका नाममा धेरै मेनपावर कम्पनीहरुले नेपाली कामदारको सर्वनाश गरिदिएपछि इजरायल सरकारले झण्डै दुई वर्षभन्दा बढी बन्देज लगाएर पुनः खुला गरेको छ । तर विगतमा ठगेर खान पकिल्एका दलालहरुले अहिले पनि पुरानै प्रवृत्ति दोहोर्याइरहेका छन् । अहिले पनि इजरायल पठाउने बहानामा ठग्न धरै मेनपावर र तिनका दलालहरु गाँउ, चोक र शहरका गल्ली–गल्लीमा सक्रिय छन् कति मेनपावरहरुले ५ देखि ८ लाख रुपैयाँसम्म उठाइरहेका छन् ।

त्यस्तै, इजरायलमा नर्स पठाएर लाखौं रुपैयाँ कमिसन खाने मेनपावर र दलालहरूको गतिविधि पनि ह्वात्तै बढेको छ । जसका कारण नेपाली नर्सहरु रोजगारी गुमाउने अवस्था सृजना भएपछि सरकारले त्यस्ता धन्दामा अब अंकुश लगाउने नीति अख्तियार गरेको छ । सरकारले रोजगारीका लागि इजरायल जाने नर्सका लागि केयरटेकर सम्बन्धी तालिम अनिवार्य गरेको छ, जसले गर्दा कमिसनको दौडमा हुत्तिने धरै मेनपावरको कालोधन्दा सखाप हुने स्थिति आएको छ । कामदारलाई ठगीमुक्त र पारदर्शी बनाउन श्रम तथा यातायात व्यवस्था मन्त्रालयले यस्तो व्यवस्था गरेको हो । इजरायल कामदार पठाउने केयरटेकर सम्बन्धी कार्यविधि संशोधनमा सो व्यवस्था अनिवार्य रुपमा लागु गर्ने तथा अनुगमनका लागि समिति निर्माण गर्ने प्रावधान राखिएको छ । मन्त्रालयका सहसचिब विनोद केसी संयोजकत्वको समितिले नसिर्ङ उत्तीर्ण गरेका महिलाले इजरायलमा रोजगारीका लागि जान केयरटेकर सम्बन्धी तालिम अनिवार्य रुपमा लिनुपर्ने व्यवस्था गरेको हो ।

इजरायलमा केयरटेकरमा कामदार पठाउने कार्यविधि संशोधनको मस्यौदा तयार भईसकेको मन्त्रालयले जनाएको छ । मस्यौदा श्रम तथा यातायात व्यवस्थामन्त्रीले स्वीकृत गरेपछि कार्यविधि लागु हुने छ । नर्सिङ उत्तीर्ण गरी रोजगारीका लागि इजरायल जानेका लागि प्रक्रिया सहज बनाउन मन्त्रालयले यस्तो व्यवस्था गरेको बताइएको छ ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी