उपसमितिबाट फर्किएको विवादित प्रश्न संवैधानिक समितिद्वारा फेरि उपसमितिमा

३१ बैशाख २०६९, आईतवार १५:४१ मा प्रकाशित

काठमाडौ, ३१ बैशाख । संवैधानिक समितिले मतदानमा लैजान तयार गरिएका संविधानका विवादित विषयलाई थप परिमार्जन गरेर ल्याउन फेरि उपसमितिमा फर्काइ दिएको छ । समितिको आज बिहान बसेको बैठकले मतदानमा लैजाने विवादित विषयको सूची घटाउन फेरि उपसमितिमा पठाएको समिति सभापति निलाम्बर आचार्यले जानकारी दिनुभयो । संविधानसभा सचिवालय सिंहदरवारमा आज चार घण्टाभन्दा लामो समय चलेको बैठकले मतदानमा लैजाने प्रश्नको  भाषा मिलानसहित परिमार्जन गर्न संवैधानिक समितिमा पठाउने निर्णय गरेको हो । संवैधानिक समितिको निर्णयपछि आजका लागि बोलाइएको संविधानसभा बैठक पनि सूचनामार्फत स्थगित हुने भएको छ । भोलि बिहान बस्ने विवाद समाधान उपसमितिको बैठकमा छलफल गरेपछि ११ बजे बस्ने संवैधानिक समितिको बैठकमा पेश गर्ने उपसमिति सदस्य लक्ष्मणलाल कर्णले जानकारी दिनुभयो । बैठकमा अधिकांश सदस्यले शासकीय स्वरुपलगायत संविधानका मूलभूत विषयमा सकमतिको प्रयास गर्नुपर्ने बताएका थिए । उपसमिति संयोजक पुष्पकमल दाहाल प्रचण्डले आजको बैठकमा मतदानमा लैजाने विवादित बिषयको प्रश्नावली सहितको प्रतिवेदन पेश गर्नुभएको थियो ।

प्रतिक्रिया
सम्बन्धित खवर

काठमाडौँ । नेपाली काँग्रेसको स्थानीय तह निर्वाचन केन्द्रीय परिचालन समितिले सिट संख्या बढाउन गठबन्धन आवश्यक भएको निष्कर्ष निकालेको छ ।

फर्डिनान्ड रोमुआल्डेज मार्कोस जुनियरले बिहीबार मनिला शहरमा हजारौं मानिसहरूका बीच फिलिपिन्सको १७ औं राष्ट्रपतिको रूपमा शपथ ग्रहण गरेका छन्। मार्कोस

एजेन्सी । दोस्रो विश्वयुद्धमा जापानी फौजलाई आच्छुआच्छु पारेर राष्ट्रपतिबाट सर्वोच्च पदक पाएका हर्शेल डब्ल्यू विलियम्सको ९८ वर्षको उमेरमा मृत्यु भएको

काठमाडौं । प्रधानमन्त्री शेरबहादुर देउवा पत्नी आरजु राणा देउवालाई कोरोनाभाइरस संक्रमण भएको छ । कोरोनाभाइरस संक्रमण भएपछि आरजु केही दिनयता