सहमतिको प्रयासलाई दलहरुले आज पनि जारी राख्ने

३१ बैशाख २०६९, आईतवार ०८:५७ मा प्रकाशित

काठमाडौ, ३१ बैशाख । प्रमुख राजनीतिक दल एमाओवादी, नेपाली काङ्ग्रेस, एमाले र मधेसी मोर्चाले संविधानका विवादित विषयमा सहमतिको प्रयासलाई आज पनि जारी राख्ने भएका छन् । आज पनि दलहरुले आन्तरिक र दुईपक्षीय परामर्श गर्ने भएका छन् । दलहरुकाबीच विशेष गरेर राज्य पुनर्संरचना र शासकीय स्वरुपको बारेमा कुरा मिल्न सकेको छैन । हिजो बसेको मोर्चासहित प्रमुख तीन दलको बैठकमा ११ प्रदेशको बारेमा छलफल भए पनि सीमाङ्कन तथा नामाङ्कनको बारेमा कुरा मिल्न सकेको थिएन । माओवादीले जातीय राज्यको अडान नछोडेका कारण दलहरुबीच कुरा मिल्न समस्या भएको एमाले नेता प्रदीप ज्ञवालीले जानकारी दिनुभयो । दलहरुले सहमति जुट्न नसके प्रक्रियामा लगेर संविधानसभा मार्फत मतदानबाट विवादित विषय टुङग्याउने छन् । मतदान प्रक्रिया सुरु भए पनि राज्यपुनर्संरचनाको बारेमा सहमतिका लागि प्रयास भइरहने एमाले नेता ज्ञवालीको भनाइछ । नयाँ संविधान जारी गर्ने समय निजिकिदै गर्दा पनि दलहरुले विवादित विषयमा सहमति जुटाउन सकेका छैनन् ।

प्रतिक्रिया
सम्बन्धित खवर

काठमाडौं । नेपालमा गत २४ घण्टामा ७३६८ जनामा कोरोना भाइरस संक्रमण पुष्टि भएको छ । १९ हजार ५ सय ३९

काठमाडौँ । जनता समाजवादी पार्टी (जसपा) नेपालले प्रधानमन्त्री केपी शर्मा ओलीको शपथ बदर गर्न माग गरेको छ । जसपा नेपालका

काठमाडौं । प्रधानमन्त्री केपी शर्मा ओलीले लिएको सफतविरुद्ध सर्वोच्चमा रिट पेश भएको छ । प्रधानमन्त्री ओलीलाई शुक्रबार राष्ट्रपति विद्यादेवी भण्डारीले

प्रयागराज । भारतको उत्तर प्रदेशका प्रहरीहरु अहिले गङ्गा नदीका किनारामा बालुवाले अलिअलि छोपछाप पारिएका शवको अनुसन्धान गर्न खटिएको छ ।