प्रश्नावलीको टुङ्गो लगाउन उपसमिति र संवैधानिक समितिको बैठक जारी

३१ बैशाख २०६९, आईतवार ०८:५७ मा प्रकाशित

काठमाडौ, ३१ बैशाख । संविधानसभाको बैठकमा पठाइने प्रश्नावलीको बारेमा छलफल गर्न विवाद समाधान उपसमितिको बैठक अहिले बसिरहेको छ । विज्ञ तथा सरोकारवाला निकायका प्रतिनिधिसँगको छलफलमा तयार पारिएका भावी संविधानका विवादित विषयका प्रश्नावलीलाई अन्तिम रुप दिन सिंहदरवारमा उपसमितिको बैठक अहिले बसिरहेको छ । उपसमिति सदस्य लक्ष्मणलाल कर्णले तयार पारिएका ३० ओटा प्रश्नावलीको बारेमा अन्तिम छलफल भइरहेको जानकारी दिनुभयो । दलहरुबीच राज्यपुनर्संरचना, शासकीय स्वरुप लगायतका १ सय १७ विषयमा विवाद कायम रहे पनि हिजोको उपसमितिको बैठकले संविधानसभामा राज्यपुनर्संरचना बाहेकका ३० ओटा विवादित विषयको प्रश्नावली तयार पार्ने र संविधानसभामा पठाउने निर्णय गरेको थियो । उपसमितिको बैठक सकिए लगत्तै सिंहदरवारमै संवैधानिक समितिको बैठक बस्ने उपसमिति सदस्य कर्णले बताउनुभयो । संवैधानिक समितिको बैठकले प्रश्नावलीलाई सदर गरेपछि दिउँसो बस्ने संविधानसभाको बैठकमा पेस गरिनेछ ।

प्रतिक्रिया
सम्बन्धित खवर

काठमाडौँ । जनता समाजवादी पार्टी (जसपा)को आधिकारिकता विवादमा निर्वाचन आयोगको फैसलाविरुद्ध महन्थ ठाकुरले दायर गरेको रिट निवेदनमा सर्वोच्च अदालतले अन्तरिम

रुपन्देही । लुम्बिनी प्रदेश सभा सदस्य विमलाकुमारी खत्री वलीले आफू नेकपा माओवादी केन्द्रमै रहेको बताउनुभएको छ । एक हप्तादेखि पार्टीसँग

काठमाडौँ । नेकपा एमालेका वरिष्ठ नेता एवं पूर्वप्रधानमन्त्री झलनाथ खनालको मिर्गौला प्रत्यारोपण सफल भएको छ । नयाँदिल्लीस्थित एपोलो अस्पतालमा नेता

काठमाडौं । सरकारको न्यूनतम साझा कार्यक्रमलाई टुङ्गो लगाउन आज बुधबार तेस्रोपटक बसेको सत्तारुढ गठबन्धन कार्यदलको बैठकले राष्ट्रिय योजना आयोगको समेत