हिजो तनावग्रस्त कैलाली आज शान्त

३० बैशाख २०६९, शनिबार ०८:५८ मा प्रकाशित

कैलाली, ३० बैशाख । अखण्ड सुदूरपश्चिमका पक्षधरको बन्द र आदीवासी जनजाती महासंघको सभाका कारण दोहोरो झडपले हिजो तनावग्रस्त कैलाली आज सुनसान छ । हिजो कैलालीका विभिन्न ठाउँमा भएका झडपबाट घाइते ४५ जना मध्ये ४० जना सामान्य उपचारपछि घर फर्केका छन् ।  घाइते मध्ये राजकुमार राना र लक्ष्मण चौधरीको सेती अञ्चल अस्पताल धनगढीमा उपचार भैरहेको छ । आदिवासी जनजाति महासंघको आयोजनामा भएको सभालाई सम्वोधन गर्दै थरुहट तराई पार्टीका केन्द्रीय अध्यक्ष लक्ष्मण थारुले २४ घण्टाभित्र कैलालीको जनजीवन सामान्य नवनाए कैलालीका प्रमुख जिल्ला अधिकारी र प्रहरी प्रमुखका विरुद्ध आन्दोलन गर्ने र कैलाली, कञ्चनपुरका पत्रकारहरुले थारुहरुका पक्षमा समाचार नलेखे उनीहरुप्रति कडा हुने चेतावनी दिनुभयो । आदीवासी जनजाति महासंघका केन्द्रीय अध्यक्ष राजकुमार लेखीले थारुका अधिकार खोस्न धेरै सक्रिय भए धनगढीका सेता घर छानीछानी खरानी बनाउन सक्ने बताउनुभयो । थारु नेताका अभिव्यक्तिले कतै त्रास र कतै उत्तेजनाको स्थिति सृजना भएको छ ।
यसैवीचथारु संयुक्त संघर्ष समिति नवलपरासीले आज डण्डामा आयोजना गर्ने भनिएको विशाल विरोध सभा स्थगित गरेको छ । ब्राह्मण, क्षेत्री, दशनामीलगायतको संयुक्त संघर्ष समितिले आज पनि नेपाल बन्द गरेपछि जातीय सदभावलाई मध्यनजर राख्दै विरोध सभाको कार्यक्रम स्थगित गरिएको थारु संयुक्त संघर्ष समिति नवलपरासीका संयाजक सिताराम चौधरीले जानकारी दिनुभयो । यहि वुधवार मात्रै कावासोतीमा थारु आन्दोलनकारी माथि दमन गरेको भन्दै थारु संयुक्त संघर्ष समितिले आज  नवलपरासीको डण्डामा वृहत विरोध सभाको आयोजना गरेको थियो । कावासोतीमा प्रहरी संग भएको झडप मा परि गम्भिर घाइते भएका ४ जनाको काठमान्डौमा उपचार भइरहेको छ ।

प्रतिक्रिया
सम्बन्धित खवर

काठमाडौँ । पछिल्लो २४ घण्टामा देशभर थप ८१६७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका

काठमाडौं । सरकारले विभिन्न ११ वटा मुलुकमा राजदूत नियुक्तिका लागि ११ जनाको नाम सिफारिस गरेको छ । मन्त्रिपरिषदको यसअघिकै बैठकले

काठमाडौं । नेपाल कम्युनिस्ट पार्टी (एमाले) अध्यक्ष एवं प्रधानमन्त्री केपी शर्मा ओली २ जेठ २०७५ मा फर्किन सहमत भएका छन्

काठमाडौं । प्रतिसिलिन्डर ४ सय रुपैयाँमा किनेको अक्सिजनलाई कतिसम्ममा बेच्न पाइन्छ ? कालोबजारीसम्बन्धी ऐनले २० प्रतिशतसम्म नाफा लिन छुट दिन्छ।