सरकारद्वारा आन्दोलनरत संघ-संस्थाहरुलाई बन्द फिर्ता लिन आग्रह,वार्ताका लागि आह्वान

२८ बैशाख २०६९, बिहीबार २१:१८ मा प्रकाशित

काठमाडौं, २८ वैशाख । सरकारले आन्दोलनरत संघ-संस्थाहरुलाई पत्र लेख्दै वार्ताका लागि आह्वान गरेको छ । सरकारका तर्फबाट मन्त्री वर्षमान पुनले एकै व्यहोराका पत्र लेख्दै १२ समूहलाई वार्ताका लागि आह्वान गरेको हुन् । शान्ति तथा पुनर्निर्माण मन्त्रालयका अनुसार अखण्ड सुदूरपश्चिमको माग राखी १४ दिनदेखि आन्दोलन गरिरहेका समुहलाई वार्ताका लागि काठमाडौँ आउने बिशेष आग्रह गरेको छ ।

सरकारले क्षेत्री समाज, ब्राह्मण समाज नेपाल, ठकुरी समाज महासंघ नेपाल, नेपाल दशनामी समाज, विभेदमुक्ति प्रगतिशील समाज, दलित जागरण सेवा संघ, नेपाल पिछडावर्ग महासंघ सम्मिलित संयुक्त संघर्ष समितिलाई बन्द फिर्ता गर्न आह्वान गरेको छ ।

सरकारका तर्फबाट मन्त्री वर्षमान पुनले बन्दको कार्यक्रम राखी आन्दोलन घोषणा गर्ने संघीय समाजवादी आन्दोलन, बृहद् मधेसी मोर्चा, नेपाल आदिवासी जनजाति महासंघ, मधेसी जनअधिकार फोरम नेपाल र राष्ट्रिय मुस्लिम संघर्ष गठबन्धन समेतलाई वार्ताका लागि पत्र पठाइ वार्ताका लागि आह्वान गरेको हो ।

वार्ताका लागि आह्वान गरेका मन्त्री पुनले ५ जनासम्मको वार्ता टोली गठन गरी शान्ति तथा पुननिर्माण मन्त्रालयमा वार्तामा आउन पत्र मार्फत भनेका छन् ।

प्रतिक्रिया
सम्बन्धित खवर

काठमाडौं । नेपालमा गत २४ घण्टामा ७३६८ जनामा कोरोना भाइरस संक्रमण पुष्टि भएको छ । १९ हजार ५ सय ३९

काठमाडौँ । जनता समाजवादी पार्टी (जसपा) नेपालले प्रधानमन्त्री केपी शर्मा ओलीको शपथ बदर गर्न माग गरेको छ । जसपा नेपालका

काठमाडौं । प्रधानमन्त्री केपी शर्मा ओलीले लिएको सफतविरुद्ध सर्वोच्चमा रिट पेश भएको छ । प्रधानमन्त्री ओलीलाई शुक्रबार राष्ट्रपति विद्यादेवी भण्डारीले

प्रयागराज । भारतको उत्तर प्रदेशका प्रहरीहरु अहिले गङ्गा नदीका किनारामा बालुवाले अलिअलि छोपछाप पारिएका शवको अनुसन्धान गर्न खटिएको छ ।