एसिसी यु-१९ एसिया कपकालागि २४ सदस्यीय नेपाली टोली घोषणा

२८ बैशाख २०६९, बिहीबार १८:५१ मा प्रकाशित

काठमाडौं, २८ वैशाख । एसिसी यु-१९ एसिया कपमा प्रतिष्पर्धा गर्न नेपालले बुधबार २४ सदस्यीय टोली घोषणा गरेको छ । भारत, पाकिस्तान, श्रीलंका र बंगलादेशजस्ता टेस्ट खेल्ने राष्ट्र समावेश एसिया कप एसियाली क्रिकेट परिषद् (एसिसी) ले पहिलोपटक आयोजना गर्न लागेको हो ।
जुन २३ देखि जुलाई १ सम्म मलेसियामा हुने प्रतियोगितालाई नेपाल क्रिकेट संघ (क्यान) ले हालै सम्पन्न वाइवाइ यु-१९ राष्ट्रिय प्रतियोगिताबाट १० खेलाडी छनोट गरेको छ। जुलाई २८ देखि अगस्ट ९ सम्म आयरल्यान्डमा भएको आइसिसी विश्व यु-१९ छनोटमा दोस्रो बनाई नेपाललाई यु-१९ विश्वकपमा छनोट गराउने १४ खेलाडीलाई सिधै प्रारम्भिक टोलीमा समाबेश गरिएको छ ।
आयरल्यान्डमा छनोट चरण खेल्ने नेपाली टोलीमा पृथु बाँस्कोटा (कप्तान), राहुल बिक (उपकप्तान), सुवास खकुरेल, फैजलुर रहमान, सागर पुन, नरेश बुढाऐर, प्रदीप ऐरी, राजेश पुलामी, कृष्ण कार्की, अविनाश कर्ण, भुवन कार्की, निश्चल पाण्डे, रुपेश श्रीवास्तव र सुवेन्दु पाण्डे छन् । अघिल्लो महिना सम्पन्न राष्ट्रिय प्रतियोगितामा उत्कृष्ट प्रदर्शन गरेकाबाट क्यानले शिव तण्डुकार, सुशील कँडेल, प्रजेशबहादुर सिंह, गोपाल सिंह, विनोद लामा, अभिषेक झा, हासिम अन्सारी, विजय घालान, सुरेन्द्र चन्द र पवन श्रेष्ठ छन् ।
यु-१९ एसिया कपका लागि जेठ २ देखि काठमाडौंमा बन्द प्रशिक्षण हुने क्यानले जनाएको छ ।

प्रतिक्रिया
सम्बन्धित खवर

काठमाडौं । नर्दन आयरल्यान्डविरुद्ध सहज जितसँगै नर्वेले यूइएफए महिला युरो च्याम्पियनसिपमा विजयी सुरुवात गरेको छ । बिहीबार राति साउथह्याम्पटनमा भएको

काठमाडौँ । क्रिस्टियानो रोनाल्डोलाई यसै खेलाडी ट्रान्सफरमा बेच्न म्यानचेस्टर युनाइटेड तयार भएसँगै उनी कुन क्लबमा जान्छन् भन्ने कौतुहलता बढेको छ

काठमाडौं । भारतले पहिलो टी-२० अन्तर्राष्ट्रिय खेलमा बिहीबार राति घरेलु टोली इंग्ल्यान्डलाई ५० रनले पराजित गरेको छ । जितसँगै तीन

काठमाडौं । नेपाली राष्ट्रिय क्रिकेट टिमका कप्तान सन्दीप लामिछानेले जमैका तल्लावाजबाट क्यारेबियन प्रिमियर लिग (सिपिएल) खेल्ने भएका छन् । आगामी