मधेसी मोर्चा सहित प्रमुख तीन दलको मंगलबारको बैठक पनि बिना निष्कर्ष टुंगियो

२६ बैशाख २०६९, मंगलवार २१:०० मा प्रकाशित

काठमाडौं, २६ वैशाख । नयाँ संविधानमा बिबादित विषयमा सहमति खोज्न मधेसी मोर्चा सहित प्रमुख तीन दलको मंगलबारको बैठक बिना निष्कर्ष टुंगिएको छ । मधेसी मोर्चा सहित प्रमुख तीन दलको निरन्तर जारी बैठकले संविधानका विवादित विषयमा सहमति जुटाउन थपेको म्याद गुज्रँदै गएकाले अन्तिम पटक सहमति खोज्ने मंगलबारको प्रयास पनि निरर्थक टुंगिएको हो ।

मंगलबार सांझ संविधानसभा भवन नयाँ बानेश्वरमा भएको बैठकमा दलहरु सहमति निकट पुगेको बताइए पनि खासै सहमति जुट्न सकेन । मंगलबार दिनभर प्रमुख दलको बैठकअघि कांग्रेस-एमाले, माओवादी, कांग्रेस र एमालेबीच एमाले मुख्यालय बल्खुमा फरक फरक बैठक मार्फत सहमतिको प्रयास भएको थियो ।

दलहरुबीच भएको पाँच बुँदे सहमतिमा तीन दिनभित्र संविधानका विवादित बिषय सुल्झाउने उल्लेख भए पनि दलहरूबीच विवादित रहेको पाँचमध्ये न्यायप्रणाली, निर्वाचन प्रणाली र नागरिकतामा सहमति भएको छ । शासकीय स्वरुप र राज्य पुनर्संरचनामा सहमति गर्न बसेका अनेकौ बैठक निष्कर्षहीन बन्दै गएका छन् ।

प्रतिक्रिया
सम्बन्धित खवर

काठमाडौँ । बुधवार बसेको सत्तारुढ गठबन्धनको बैठकले अघिल्लो सरकारले गरेका राजनीतिक नियुक्ति खारेज गर्ने निर्णय गरेको छ । प्रधानमन्त्रीको सरकारी

काठमाडौँ । पछिल्लो २४ घण्टामा ३,८४० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १०,८८६ पीसीआर

काठमाडौं । नेकपा माओवादी केन्द्रबाट एमाले प्रवेश गरेका चार नेताले सांसद पदमा पुनर्बहालीको माग गर्दै सर्वोच्च अदालतमा रिट दायर गरेका

सर्लाही । सर्लाहीको ब्रह्मपुरी गाउँपालिका–३ भेल्हीस्थित निजी पोखरीमा डुबेर मृत्यु भएको अवस्थामा नौ दिनको शिशुसहित तीन जनाको शव फेला परेको