एमाओवादीको राष्ट्रिय सम्मेलन विराटनगरमा सुरु

१८ बैशाख २०७१, बिहीबार १७:३१ मा प्रकाशित

सभासद र मन्त्री लालचाले पार्टीमा धेरै भित्रिए


काठमाडौं, १८ वैशाख । एमाओवादीको राष्ट्रिय सम्मेलन आजदेखि विराटनगरमा सुरु भएको छ । विराटनगरको सहिद रंगशालामा आज (बिहीबार) दिउँसो अध्यक्ष पुष्पकमल दाहालले सम्मेलनको उदघाटन गरका हुन् ।

वीरेन्द्र सभागृहमा आजै देखि बन्द सत्र सुरु हुने छ । बन्द सत्रमा पार्टी दाहालले माओवादीसँग एकता गर्न, पार्टीलाई बलियो बनाउने संविधानसभा र संसदमा अपनाउने रणनीतिलगायत विषय समेटिएको प्रतिवेदन पेश गर्ने छन् ।

हेटौँडा महाधिवेशनको कार्यदिशालाई केही परिमार्जन गरी नयाँ कार्यदिशा दिएर पार्टीलाई थप सुदृढ बनाउने बताइएको छ । यद्धपि अध्यक्ष दाहालको प्रतिवेदनप्रति असहमति जनाउँदै नेता बाबुराम भट्टराईले पनि छुट्टै प्रतिवेदन पेश गर्न तयारी गरेका छन् ।

सहमतिबाट नयाँ नेतृत्वको चयनमा प्रयास गर्ने र त्यसो नभए निर्वाचन प्रक्रियाबाट नयाँ नेतृत्वको चयन गर्ने एमाओवादीले जनाएको छ ।

सम्मेलनमा देशभरिका करिब एकहजार एकसय प्रतिनिधि सहभागी छन् । पाँच दिनसम्म चल्ने सम्मेलनका लागि प्रतिनिधि र पर्यवेक्षकहरू आउने क्रम अझै जारी छ ।

यसैबीच, एमाओवादी अध्यक्ष दाहालले संविधानसभा निर्वाचनअघि सभासद् र मन्त्री बन्ने लालचले धेरै पार्टीमा भित्रिएको बताए । उनले पार्टी छाड्ने लहर चल्न सक्ने समेत बताए ।

दाहालले एमाओवादीको संगठन ज्यादै भद्दा भएकाले अधिवेशनले चुस्त नेतृत्व बनाउने बताए । काम गर्ने गरेर संगठन निर्माण गर्नुपर्ने उनले उल्लेख गरे ।

प्रतिक्रिया
सम्बन्धित खवर

पछिल्ला दिनमा कोरोना भाइरस सङ्क्रमणको ग्राफ उकालो लागेको छ । भारतमा सङ्क्रमण बढ्नु तथा नेपालमा नै सङ्क्रमण छैन जस्तो गरी

संयुक्त राज्य अमेरिकाको औपचारिक भ्रमणमा रहनुभएका प्रधानसेनापति प्रभुराम शर्मा तथा भ्रमणदलका सदस्यहरुले शुक्रबार संयुक्त राष्ट्रसङ्घ मुख्यालयको भ्रमण गर्नुभएको छ ।

काठमाडौँ । न त छाक टर्ने, न त पेट भरिने । नखाए पनि हुने, नखाँदा पछि नपरिने अनावश्यक वस्तुमा समेत

लुम्बिनी । गृहमन्त्री बालकृष्ण खाँणले वर्तमान पाँचदलीय गठबन्धन कुनै दल र नेताकाविरुद्ध नभई संविधानको कार्यान्वयन, लोकतान्त्रिक गणतन्त्रलाई संस्थागत गर्न र