काँग्रेस जातीय राज्यको बिपक्षमा: कोइराला

२३ बैशाख २०६९, शनिबार १८:२३ मा प्रकाशित

नुवाकोट, २३ वैशाख । कांग्रेस सभापति सुशील कोइरालाले आफ्नो पार्टी राज्य पुनर्संरचनामा जातीय बिभाजनको पक्षमा नरहेको बताउनु भएको छ । रसुवाको कालिकास्थानमा शनिबार आयोजित आमसभामा कोइरालाले राज्य पुनर्संरचनामा काँग्रेस जातीय बिभाजनको पक्षमा नरहेको स्पष्ट पार्नु भएको हो । कोइरालाले हालै भएको मधेसी मोर्चा सहित तीन दलको सहमतिमा लोकतन्त्रको बिजय भएको दावी गर्नु भएको छ ।
उहाँले देशभर शान्ति र लोकतन्त्रको पक्षमा जनता उर्लेको बताउनु भयो ।
कांग्रेसले निर्धारित समयमा नै लोकतान्त्रिक संबिधान निमार्णमा सबै शक्ति खर्च गर्ने प्रतिवद्धता समेत जनाउनु भएको छ ।
काँग्रेस नेता रामशरण महतलगायतका नेतासहित हेलिकप्टरमा रसुवा पुग्नु भएका कोइरालालले बिभिन्न पार्टी परित्याग गरेका एक सय बढी कार्यकर्तालाई कांग्रेसमा प्रबेश गराउनु भएको थियो ।
काँग्रेस नेता रामशरण महतले सरकारमा जाने बिषयमा पार्टी सामान्य बिवाद भएपनि छलफलबाट टुङगो लगाउने बताउनु भयो । उहाँले कांग्रेसले लोकतन्त्रको सवालमा कसैसंग सम्झौता नगरेको र अब माओवादीसंग पनि संझौता नगर्ने उल्लेख गर्नु भयो ।
महतले राष्ट्रिय एकता मजबुद बनाउन र जातीय सद्भाव कायम राख्न कांग्रेस जातीय संघीयताको बिपक्षमा रहेको बताउनु भयो ।

प्रतिक्रिया
सम्बन्धित खवर

काठमाडौ । सरकारले शहरी क्षेत्रका विद्यालयहरु आगामी वैशाख मसान्तसम्म बन्द गर्न सिफारिस गरेको छ । कोभिड – १९ व्यवस्थापन केन्द्र

काठमाडौँ। प्रधानमन्त्री केपी शर्मा ओलीले कोरोना भाइरस (कोभिड–१९) को समस्या समाधानका लागि सबै दलसँग सहयोगको आग्रह गरेका छन् । प्रधानमन्त्री

काठमाडौं । प्रधानमन्त्री केपी शर्मा ओलीले शनिवार बोलाएको सर्वदलीय बैठकमा माओवादी केन्द्रका अध्यक्ष पुष्पकमल दाहाल प्रचण्ड नजाने भएका छन् ।

काभ्रेपलाञ्चोक । जिल्लाको पुराना तीन नगर बनेपा, धुलिखेल र पनौती ‘काभ्रे’ स्मार्ट सिटीका नामले परिचित हुन संरचना निर्माण प्रक्रियालाई तीव्रता