राष्ट्रिय महिला आयोगद्वारा मन्त्रिपरिषदमा ३३ प्रतिशत महिला सहभागिताको माग

काठमाडौं, २३ वैशाख । राष्ट्रिय महिला आयोगले शनिबार गठन हुने सहमतिको राष्ट्रिय सरकारमा कम्तीमा ३३ प्रतिशत महिला सहभागिता गराउन प्रधानमन्त्री बाबुराम भट्टराईलाई ध्यानाकर्षण गराएको छ । राष्ट्रिय महिला आयोगले शुक्रबार एक विज्ञप्ती जारी गरी जनसंख्याको आधा हिस्सा ओगटेका महिलाको हक अधिकार सुनिश्चित गर्न मन्त्रिपरिषदमै ३३ प्रतिशत महिला सहभागिता गराउन अनुरोध गरेको हो ।

आयोग प्रवक्ता मोहन अन्सारीद्वारा जारी विज्ञप्तीमा उल्लेख छ, ०६३ जेठ १६ मा अन्तरिम व्यवस्थापिका संसदले सार्वजनिक महत्वको प्रस्ताव पारित गरी राज्यका सबै अंगमा कम्तीमा ३३ प्रतिशत महिला सहभागीता सुनिश्चित गरेको छ । ‘३३ प्रतिशत महिला सहभागिता गर्ने विभिन्न राजनीतिक दल र संसदसमेतको प्रतिबद्धतालाई मनन् गरी ३३ प्रतिशत महिला मन्त्रिपरिषदमा नियुक्त गर्न आग्रह गर्दछौं ।