मोना युकेको शुभकामना साँझ सम्पन्न

१६ बैशाख २०७१, मंगलवार २०:४४ मा प्रकाशित

बेलायत । नेपाली नयां वर्ष २०७१ को अवसरपारी म्याग्दी प्रवासी नेपाली संघ बेलायत (मोना युके)ले शुभकामना सांझ भव्य रुपमा मनाएको छ । फार्नबरोस्थित स्यामुयल कोडी स्पोर्ट्स क्लवमा शनिबारसांझ सम्पन्न कार्यक्रममा बेलायतका विभिन्न स्थानबाट म्याग्देलीहरु सहभागि भएका थिए । मोना आजीवन सदस्यता वितरण तथा राहातकोष स्थापनाको मुल उदेश्यका साथ शुभकामना सांझ आयोजना गरिएको थियो ।

मोना युकेका अध्यक्ष उमेश रानाको अध्यक्षतामा सम्पन्न कार्यक्रम बेलायतका लागि नेपाली कार्यबहाक राजदुत तेज बहादुर क्षेत्री, एनआरएन युकेका अध्यक्ष योगेन क्षेत्री, मोना बेल्जियका अध्यक्ष्ँ घनश्याम शाही र अध्यक्ष्ँ उमेश रानाले संयुक्त रुपमा उद्घाटन गरेका थिए ।

कार्यक्रममा शुभकामना मन्तव्य दिंदै अध्यक्ष रानाले म्याग्देलीहरुलाई आवश्यक परेको बेलामा सहयोग पु¥याउन राहातकोष स्थापना गरिएको बताए । म्याग्देलीहरुको मन ठुलो छ, मोना युकेले गरेका आफ्नो गाउं आफैं बनाऊं, हाम्रो म्याग्दी हाम्रो गौरब जस्ता पवित्र कामहरु म्याग्दीवासीहरुको सहयोगमा सफल भइसकेको उनको भनाई थियो ।

राहातकोषपनि सफल हुने बताउंदै म्याग्दीवासीहरुलाई मनले सहयोग गर्न उनले आग्रह गरेका थिए । कार्यक्रम सफल पार्न विभिन्न क्षेत्रबाट सहयोग पुर्‍याउनेप्रति उनले आभार प्रकट गरे । सामाजिक संस्था भएकोले यसलाई च्यारिटीमा दर्ता गराउन आफुले सक्दो पहल गर्ने उनले बताए ।

कार्यक्रममा शुभकामना मन्तव्य दिंदै कार्यबहाक राजदुत तेज बहादुर क्षेत्रीले मोना युकेले आफ्नो जिल्लामा स्मरणीय कार्यत्रहरु गरेकोमा प्रशंसा गरेका थिए । मोना युकेले जस्तै अन्य जिल्लाहरुले पनि राम्रो काम गरेभने देशको सम्बृद्धीमा टेवा पुग्ने उनको भनाई थियो ।

त्यस्तै गैर आवासीय नेपाली संघ बेलायतका अध्यक्ष्ँ योगेन क्षेत्रीले मोना युके पवित्र भावनाले भरिएका म्याग्देलीहरुको साझा संस्था भएको बताए । मोना युकेले अघि सारेका आजीवन सदस्य र राहातकोष स्थापना कार्य सफल हुने उनले विश्वास लिए ।

मोना नयांबर्ष शुभकामना कार्यक्रममा सहभागि मोना बेल्जियका अध्यक्ष्ँ घनश्याम शाही, मोना बेल्जियमका संस्थापक एवं एनआरएन बेल्जियमका आइसीसी सदस्य शिव कुमार बरुवाल लगायतले पनि शुभकामना मन्तव्य दिए ।

कार्यक्रममा स्वागत मन्तव्य दिंदै संयोजक एवं उपाध्यक्ष्ँ कमल पुर्जाले म्याग्देलीहरुको पहिचान नै एक अर्कालाई सहयोग पु¥याउनु रहेको बताए । मोना राहात कोषमा पनि म्याग्देलीहरुले दिल खोलेर सहयोग पु¥याउने विश्वास व्यक्त गर्दै पुर्जाले कार्यक्रम सफल पार्न सहयोग पु¥याउनेप्रति आभार प्रकट गरेका थिए । त्यस्तै अर्का उपाध्यक्ष्ँ शान्ता गौचनले राहात कोष र आजीवन सदस्यताबारे जानकारी गराए । मोना युके सचिव खिम शेरचनले हेल्थ एण्ड सेफ्टीबारे जानकारी दिए । कोषाध्यक्ष्ँ किसन जीसीले आजीवन सदस्य तथा राहातकोषमा बृद्धि भएको जानकारी दिएका थिए ।

सो अवसरमा राहातकोष स्थापनार्थ सहयोग पुर्‍याउने विभिन्न व्यक्तित्वहरु, नयां आजीवन सदस्यहरु, उच्च शिक्षा हासील गरेका म्याग्देली विद्यार्थी र कलाकारहरुलाई सम्मान गरिएको थियो । त्यस्तै मोना युकेबाट अन्य सामाजिक संघसंस्थाका प्रतिनिधित्व गर्ने एनआरएनए युकेका अध्यक्ष्ँ योगेन क्षेत्री, राष्ट्रिय संयोजक एवं मोना युकेका पुर्व अध्यक्ष्ँ योग कुमार फगामी, लगायतलाई खादा लगाई विशेष सम्मान गरिएको थियो । सोहि कार्यक्रममा गितकार मिरा पिजीलाई पनि सम्मान गरिएको थियो ।

औपचारिक कार्यक्रमपछि सम्पन्न सांसकृतिक कार्यक्रममा नेपाल बाट आएका चर्चित लोक गायक बद्रि पंगेनी, गायीका कल्पना श्रीपाल, विलन थापा खड्ग लगायतले सहभागिहरुलाई मनोरञ्जन दिए । त्यस्तै स्थानीय सयपत्री ग्रुपका कलाकार र समाजका युवायुवतीहरुले नृत्य प्रश्तुत गरेका थिए । कार्यक्रमको अर्को आकर्षण धौलागिरी नौमती वाजाले सहभागिहरुलाई छमछमी नचाएको थियो । सांस्कृतिक विभाग सदस्य बिल पुर्जाको संयोजनमा पुख्र्यौली समुहले सोरठी नृत्य प्रश्तुत गरेको थियो ।

कार्यक्रममा बाग्लुङ समाज युके, ताप्लेजुङ समाज युके, भोजपुर समाज युके, मगरसंघ युके, गुल्मी समाज युके, थकाली समाज युके, बुद्धिष्ट कम्युनीटि सेण्टर युके, हाम्सायर काउण्टी काउन्सील लगायत संघसंस्थाका प्रतिनिधिहरु सहभागि थिए ।

प्रतिक्रिया
सम्बन्धित खवर

न्यूयोर्क । न्युयोर्क राज्य संसदमा नेपाली मूलकी सराहना श्रेष्ठले उम्मेदवारी घोषणा गरेकी छिन् । सराहनाले न्युयोर्क राज्य संसदको तल्लो सदनमा

अमेरिका। अमेरिकाको मेरिल्याण्डमा अवस्थित मोर्गन स्टेट युनिभर्सिटीमा कार्यरत एक नेपाली मूलका प्राध्यापकले सो विश्वविद्यालयले प्रदान गर्ने रिसर्च एण्ड स्कलरसिप अवार्ड

न्युयोर्क। पत्रकारितामार्फत मानवताका क्षेत्रमा असाधारण सेवा गरेवापत न्युयोर्क निवासी पत्रकार किशोर पन्थीलाई अमेरिकाको विश्वविद्यालयले मानार्थ पीएचडी अर्थात् डाक्टर अफ फिलोसोफीबाट

काठमाडौं । न्यूयोर्क राज्य संसदको चुनावमा पहिलो पटक नेपाली मूलकी एक युवती सांसद बन्ने सम्भावना बढेको छ । नेपाली मुलकी