जापानमा मन्त्रिपरिषदको निर्णय प्रकाशन आरम्भ

१० बैशाख २०७१, बुधबार १२:१५ मा प्रकाशित

टोकियो, १० वैशाख । जापान सरकारले मंगलबार मन्त्रिपरिषद्को १२९ वर्षको इतिहासमा उसले गरेको बैठकको निर्णय सार्वजनिक गर्ने कार्य आरम्भ गरेको छ । जापानमा मन्त्रिपरिषद्को कार्य निकै गोप्य रहने गरेको आरोप लगाइन्छ यो निर्णय यसै आरोप हटाउन पनि आएको हो ।

सरकारका प्रमुख प्रवक्ता योसिहिदे सुगाले पारदर्शीपनामा सुधार गर्न तथा आफूहरूलाई जनताप्रति बढी जिम्मेवार बनाउन मन्त्रिपरिषद्को निर्णय सार्वजनिक गर्ने निर्णय गरिएको बताए ।

जापानी प्रधानमन्त्री सिन्जो आवेको आधिकारिक वेबसाइटमा मंगलबार अप्रिल १ को बैठकको निर्र्णय राखिएको छ । जापानमा सन् १८८५ मा मन्त्रिपरिषद् स्थापना भएको हो र यसका कारवाहीहरू सार्वजनिक भएको यो पहिलो पटक हो ।

मन्त्रिपरिषद्को निर्णय कतिसम्म व्यापक रूपमा प्रकाशन हुनेछन् र त्यसको विषय तथा प्रक्रिया कहासम्म विस्तृत हुनेछ भन्ने कुरा स्पष्ट भएको छैन ।

गत वर्ष जापानमा गोपनीयताको कानुन अगाडि आएको छ र उक्त कानुन अगाडि आएपछि सरकार प्रेस तथा प्रकाशन अधिकारमा कटौती गर्न चाहन्छ भन्ने देखाएको आरोप लगाइएको थियो । यसै कारण पनि मन्त्रिपरिषद्को निर्णय सार्वजनिक भएको अनुमान गरिएको छ ।

प्रधानमन्त्री आवेले उक्त विधेयक जापानलाई अगाडि बढाउन अति आवश्यक पाइला भएको बताएका थिए ।

जापानका पत्रकार, वकिल, प्राज्ञ तथा अधिकारवादी समूहहरूले उक्त कानुन जापानको दोस्रोयुद्ध पछिको प्रजातन्त्रका लागि ठूलो चुनौती भएको बताएका छन् । एएफपी

प्रतिक्रिया
सम्बन्धित खवर

एजेन्सी । रुसी राष्ट्रपति भ्लादिमिर पुटिन महिला भएको भए युक्रेनमा युद्ध सुरु गर्ने थिएनन्, बेलायती प्रधानमन्त्री बोरिस जोनसनले बताएका छन्

वोगोटा । दक्षिण पश्चिमी कोलम्बियाको एउटा कारगारमा दंगा सुरु भएपछि आगलागी हुँदा ४९ जना कैदी मारिएका छन् । अरु ३०

किभ । रुसले गरेको क्षेप्यास्त्र आक्रमणमा परी युक्रेनको पोल्तावा सहरस्थित औद्योगिक क्षेत्रमा कम्तीमा १८ जनाको मृत्यु भएको छ । क्रेमेन्चुक

मस्को । अमेरिकी राष्ट्रपति जो बाइडेन र उनकी पत्नी र छोरीलाई रुस भ्रमणमा प्रतिबन्ध लगाइएको छ । मस्कोले अन्य २३