नेपाली मुलका अमेरिकी आप्रवासी पत्रकारहरुको अधिबेशन हुदै

२१ बैशाख २०६९, बिहीबार २२:३७ मा प्रकाशित

अमेरिका, २१ वैशाख । अमेरिकामा बसोबास गर्ने नेपाली मुलका आप्रवासी पत्रकारहरुको संगठन नेपाल अमेरिका पत्रकार संघ नेजाको तेस्रो अधिबेशन आगामी शनिबार न्युयोर्क सहरमा सुरु हुदै छ । अधिबेशन शनिबार र आईतबार दुइ दिनसम्म चल्ने छ । आयोजकका अनुसार झन्डै एक सय पत्रकारहरु सदश्य रहेको नेजाको तेस्रो अधिवेशनमा करिब ८० जना पत्रकारहरु सहभागी हुने छन् । निबर्तमान सभापति कृष्ण शर्माका अनुसार अधिबेशनले नयाँ नेतृत्व चयन गर्नुका अतिरिक्त नेपाल पत्रकार महासंघसंगको सहकार्यको बारेमा पनि ठोस नीति तय गर्नेछ । यद्यपी नेजालाई आप्रवासी पत्रकारहरुको स्वायत्त संगठनका रुपमा अगाडी बढाउनु पर्ने नेपाली मुलका अमेरिकी पत्रकारहरुको चाहना रहेको छ । आसन्न अधिबेशनका सहभागी एक पत्रकार भन्छन, ‘सामाजिक संजाल र अनलाइन पत्रकारिताको यति ठुलो विकाश हुदा पनि नेजा नेपालको साप्ताहिक पत्रकारिताकै पथमा हिड्नु दुर्भाग्य हो । उनका अनुसार सहमति भन्दै पत्रकारिताबाट हराईसकेका अनुहारहरु नेतृत्वमा रहेकै कारण नेजा नेपाली मुलका आप्रवासी पत्रकारहरुबीच प्रभावकारी हुन सकेको छैन । आसन्न न्युयोर्क अधिबेशनमा नेपाली मुलका आप्रवासी पत्रकारहरुको हकहित, क्षमता विकाश र संस्थागत बिकाशका लागि योजना सहित प्रस्तुत हुन आयोजकहरुलाई उनले आग्रह पनि गरेका छन् ।

प्रतिक्रिया
सम्बन्धित खवर

वालिङ । स्याङ्जामा एक वर्षको अवधिमा चार सय ६१ सम्बन्ध विच्छेदका मुद्दा दर्ता भएका छन् । स्याङ्जा जिल्ला अदालतमा आर्थिक

म्याग्दी । म्याग्दी र यस वरपरका क्षेत्रमा नौमती बाजा बजाएर असारे भाकामा बाउसे र रोपाहारले दोहोरी गाउँदै धान रोपाइँ गर्ने

काठमाडौँ । देशभर मनसुनी वायुको प्रभाव छ । जसका कारण देशभर हल्कादेखि भारी बर्षाको सम्भावना रहेको मौसमविदले बताएका छन् जल तथा

तुलसीपुर । कक्षामा वरिपरि नातिनातिना उमेरका सहपाठी छन् । उनीहरुकै बीचमा पाका व्यक्ति पनि ध्यान दिएर पढिरहेका हुन्छन् । कपाल