उपनिर्वाचनमा विद्युतीय यन्त्र

२९ चैत्र २०७०, शनिबार ०६:४३ मा प्रकाशित

काठमाडौं, २९ चैत । निर्वाचन आयोगले उपनिर्वाचनमा विद्युतीय मतदान यन्त्र प्रयोग गर्ने तयारी गरेको छ । संविधानसभामा रिक्त चार क्षेत्रका लागि सरकारले असार ८ गते निर्वाचन गराउने घोषणा गरेलगत्तै आयोगले तयारी सुरु गरेको हो । ‘सरकारले तोकेको तिथिमा स्वच्छ, स्वतन्त्र, विश्वसनीय निर्वाचन गराउन आयोग तयारी अवस्थामा छ,’ निर्वाचन आयुक्त दोलखबहादुर गुरुङले भने, ‘यस पटक चारै क्षेत्रमा विद्युतीय मतदान यन्त्र प्रयोग गर्ने तयारीमा छौं ।’

निर्वाचन घोषणासम्बन्धी सरकारको औपचारिक पत्र प्राप्त हुन बाँकी रहेको उल्लेख गर्दै उनले वैशाख पहिलो सातासम्म आयोगले त्यसका लागि आवश्यक निर्णय गर्ने बताए । मंसिर ४ को निर्वाचनमा आयोगले प्राविधिक कठिनाइका कारण विद्युतीय मतदान यन्त्र प्रयोग गर्न सकेको थिएन ।

सरकारले संविधानसभा सदस्य रिक्त रहेका काठमाडौं-२, चितवन-४, बर्दिया-१ र कैलाली-६ मा उपनिर्वाचनका लागि बिहीबार मिति घोषणा गरेको थियो । संविधानसभाका लागि मंसिर ४ मा भएको निर्वाचनमा दुईरदुई क्षेत्रबाट विजयी चार नेताले एकरएक क्षेत्रबाट राजीनामा गरेपछि ती क्षेत्र रिक्त थिए । आ-आफ्ना गृहजिल्लाबाट समेत विजयी प्रधानमन्त्री सुशील कोइरालाले चितवन-४, एमाले वरिष्ठ नेता माधव नेपालले काठमाडौं-२, उपप्रधानमन्त्री वामदेव गौतमले बर्दिया-१ र कांग्रेस वरिष्ठ नेता शेरबहादुर देउवाले कैलाली-६ छाडेका हुन् ।

आयोगले ती क्षेत्रहरूमा मतदाता नामावली अध्यावधिक गर्ने विशेष कार्यक्रम पनि सञ्चालन गर्ने जनाएको छ । ‘चैत मसान्तसम्म मतदाता नामावली अध्यावधिक गर्ने नियमित कार्यक्रम देशैभर चलिरहेको छ,’ आयुक्त गुरुङले भने, ‘उपनिर्वाचन हुने क्षेत्रमा विशेष ध्यान दिइनेछ ।’ निर्वाचनका लागि आवश्यक ऐन, नियम, बजेट र अन्य पूर्वाधारको कमी नभएको उनले बताए । कान्तिपुर दैनिकबाट

प्रतिक्रिया
सम्बन्धित खवर

काठमाडौँ । दैनिक उपभोग्य तरकारी र फलफूलमा पनि हानिकारक विषादीको प्रयोग भएको पाइएको छ । खाद्य, प्रविधि तथा गुण नियन्त्रण

काठमाडौँ । नेपाल कसरी परनिर्भर बन्दै गएका छन् भन्ने एउटा सामान्य उदाहरणका रूपमा लिन सकिन्छ नेपालमा भइरहेको कटुसको आयात ।

काठमाडौं । जनता समाजवादी पार्टी (जसपा)का अध्यक्ष उपेन्द्र यादवले आफ्नो पार्टीबाट सरकारमा सहभागि मन्त्रीहरुलाई फिर्ता नबोलाएको प्रष्ट पारेका छन् ।

काठमाडौं । पूर्व सञ्चारकर्मी रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ। उनको पार्टीको दर्ता नम्बर १८७

आजको प्रमुख समाचार